Web Desk

കാസര്‍കോട്

February 27, 2020, 6:09 pm

മതവിദ്വേഷം പരത്തുന്ന തരത്തില്‍ ഫെയ്‌സ് ബുക്കില്‍ വീഡിയോ പ്രചരിപ്പിച്ചയാളെ ന്യായീകരിച്ച് കേന്ദ്ര മന്ത്രി വി മുരളീധരന്‍

Janayugom Online

വര്‍ഗീയ വിദ്വേഷം പരത്തുന്ന തരത്തില്‍ ഫെയ്‌സ്ബുക്കില്‍ വീഡിയോ പ്രചരിപ്പിച്ചതിന് അറസ്റ്റിലായ യുവാവിനെ ന്യായീകരിച്ച് കേന്ദ്രമന്ത്രി വി മുരളീധരന്‍. സി എ എയ്ക്ക് അനുകൂലമായി നിലപാടെടുത്തതിനാണ് അഗളിയിലെ ആദിവാസി യുവാവായ ശ്രീജിത്തിനെതിരെ പൊലീസ്  കേസെടുത്തതെന്ന് കേന്ദ്ര മന്ത്രി പറഞ്ഞു. കാസര്‍കോട് ബി ജെ പി കണ്‍വെന്‍ഷന്‍ ഉദ്ഘാടനം ചെയ്ത് സംസാരിക്കുകയായിരുന്നു വി മുരളീധരന്‍. പൗരത്വഭേദഗതിക്കെതിരെ പറയുന്ന ആളുകള്‍ക്കെതിരെ അയാളുടെ അഭിപ്രായം  പറഞ്ഞു. അത്രേ ഉണ്ടായിട്ടുള്ളുവെന്ന് അദ്ദേഹം ന്യായീകരിച്ചു. നമ്മുടെ  നാട്ടില്‍ അഭിപ്രായ സ്വാതന്ത്ര്യുമുണ്ടെന്നാണ് ജനാധിപത്യ ഇന്ത്യന്‍ ഭരണഘടന ഉറപ്പു നല്‍കുന്നെന്നാണ് പറയുന്നത്.  എല്ലാവര്‍ക്കും അഭിപ്രായ സ്വതന്ത്ര്യമുണ്ട്.

CAA യ്ക്ക് അനുകൂല നിലപാട് എടുത്തതിന് കേരള പൊലീസ് കസ്റ്റഡിയിലെടുത്ത അട്ടപ്പാടിയിലെ ശ്രീജിത്തിന്റെ വീഡിയോ പൊലീസ് സാമൂഹ്യ മാധ്യമങ്ങളിൽ പ്രചരിപ്പിക്കുന്നത് കുറ്റകരമാണ്. പൊലീസ് പൊലീസിന്റെ പണി എടുക്കുകയാണ് വേണ്ടത്.

V Muraleed­ha­ran ಅವರಿಂದ ಈ ದಿನದಂದು ಪೋಸ್ಟ್ ಮಾಡಲಾಗಿದೆ ಗುರುವಾರ, ಫೆಬ್ರವರಿ 27, 2020

പക്ഷേ അട്ടപ്പാടിയില്‍ ശ്രീജിത്ത് എന്ന് പറയുന്ന  ആദിവാസി യുവാവ്  സി എഎക്ക് അനുകൂലമായ നിലപാടെടുത്തു എന്നതിന്റെ പേരില്‍  അയാള്‍ക്കെതിരായി കേസെടുത്തിരിക്കുകയാണെന്ന് മന്ത്രി പറഞ്ഞു. കേസെടുത്തു എന്നു മാത്രമല്ല കസ്റ്റഡിയിടെക്കുന്ന    വീഡിയോ റെക്കോഡ് ചെയ്ത് പൊലീസുകാര്‍ അത്  പ്രചരിപ്പിക്കുന്നു. പൊലീസുകാരുടെ പണി ഇതാണോ. ഒരാള്‍ തെറ്റു ചെയ്താല്‍ നിയമ നടപടിയെടുക്കുന്നതിന് പകരം പക്ഷം പിടിച്ചുകൊണ്ട് ഇത്തരം പ്രവൃത്തി ചെയ്യുന്ന പൊലീസുകാര്‍ പൊലീസുകാരുടെ പണി വിട്ടിട്ട് വേറെ പണിക്കു പോണം.  അതിന് പൊലീസുകാര്‍ കാക്കി ഉടുത്ത് ഈ പണിയെടുക്കേണ്ടതില്ലെന്നും അദ്ദേഹം പറഞ്ഞു.  ഡല്‍ഹിയില്‍ നടന്നക്കുന്ന പ്രശ്‌നം രാജ്യത്തിന് ഏതിരാണ്. അത് പൗരത്വഭേദഗതിക്കെതിരായവരുടെയും  അനുകൂലിക്കുന്നവരുടെയും മാത്രം പ്രശ്‌നമായി കാണാന്‍ സാധിക്കില്ല.   ഐബി ഓഫീസറെ വെടിവെച്ചുകൊന്നല്ല പൗരത്വഭേദഗതിക്കെതിരെ പ്രതിഷേധിക്കേണ്ടതെന്നും  ഇതില്‍ ചില രാഷ്ട്രീയ പാര്‍ട്ടികള്‍ക്ക് പങ്കുണ്ട് ഏതൊക്കെയെന്ന് എനിക്ക് അറിയില്ലെന്നും അദ്ദേഹം പറഞ്ഞു.

Eng­lish Sum­ma­ry: V Muraleed­ha­ran aginst the arrest of youth in agali

You may also like this video