Wednesday
20 Feb 2019

അവള്‍ അയ്യപ്പന്‍

By: Web Desk | Sunday 2 December 2018 4:14 PM IST

മല ചവുട്ടി അവള്‍ എത്തുന്നു
അവള്‍ അയ്യപ്പന്‍
ഇവള്‍
കന്നി അയ്യപ്പന്‍
ഒരു മണ്ഡലക്കാലം വ്രതം
നോറ്റവള്‍
ഒരു ജീവാംശമായ്
തലമുറയെ വാര്‍ത്തെടുത്തവള്‍
ഇവള്‍ക്കെന്തിനൊരു അഗ്നിശുദ്ധി
ഇവളേത് കാനനം താണ്ടണം
പൗരോഹിത്യത്തിന്‍
പതിനെട്ട് പടികള്‍ ചവിട്ടിക്കയറി
അശുദ്ധി തന്‍ മാറാല തുടച്ചു
നീക്കി
പുണ്യം മാത്രം ചുമന്നു വരുന്നവള്‍
ഇവളെ കല്ലെറിയുന്നവനാരു
മാമൂലുകള്‍ കൊണ്ട് മതില്‍
തീര്‍ത്തവരാര്
അര്‍ദ്ധാംഗനയായ്
പ്രകൃതി പുരുഷ താളമായ്
പ്രപഞ്ച കണികയായവള്‍
ഇവള്‍ തേടുന്നതൊന്നുമാത്രം
തത്വമസി
അവളും നീ തന്നെയാണ്‌