മൗനം ഒരു ലോകമാണ്
കേൾവികളുടെ കൊടിയേറ്റങ്ങൾ
അഴിഞ്ഞിറങ്ങി നിശ്ശബ്ദസംഗീതമായി
ചങ്ങലയ്ക്കിട്ട വാക്കുകൾ ഇടിമുഴക്കങ്ങളായി
ഉളളിടങ്ങളിൽ ഉടഞ്ഞുപടരുന്നു
മൗനത്തിന്റെ മഹാമന്ത്രങ്ങൾ
നനഞ്ഞു തോരുന്ന
വഴികളിലൂടെ
പ്രപഞ്ചം തിരയുന്ന
ഒറ്റവരിക്കവിത, ഞാൻ
കത്തി നിന്ന ഋതുക്കളുടെ
കരിന്തിരികൾ,
ഉദയാസ്തമയങ്ങളുടെ
ഉത്സവശേഷിപ്പുകളിൽ
അനാഥമായി പുകഞ്ഞു തീരുന്നു
സ്ഥലകാലങ്ങൾ മൗനമാകുന്നു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.