എന്തൊരു ഭംഗി
എന്തൊരു ഭംഗി
ഇത്രനാൾ കാണാത്ത ലാസ്യഭംഗി
ചിത്രശലഭങ്ങൾ പാറുന്നപോലെ
ചിത്രാംഗദേ നിൻ രൂപഭംഗി
കാട്ടുമുല്ലകൾ പൂത്തുനില്‍ക്കും
നാട്ടുവഴിയിൽ കാണുമ്പോൾ
തലതാഴ്ത്തി നടന്നാലും
നിൻ ചുണ്ടിൽ വിടരും
പുഞ്ചിരിപ്പൂവിനും സുഗന്ധം-നിൻ
ഹംസഗതിക്കും താളഭംഗി
പറയാൻ കരുതും മോഹങ്ങളെല്ലാം
കാണുന്നമാത്രയിൽ മറന്നുപോകും
മൗനംപാടും ഗാനംകേട്ടുനീ
മൗനംപൂകി പോകുമ്പോൾ
സാമീപ്യംപോലും സായുജ്യം ‑നിൻ
ശ്വാസഗതിക്കും കാവ്യഭംഗി
ആളുകൾ മാറും അരങ്ങുകൾ മാറും
അവിരാമമൊഴുകും അനുരാഗഗാനം
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.