Web Desk

September 04, 2020, 10:22 am

വെഞ്ഞാറമൂട് ഇരട്ടക്കൊല; മദപുരം ഉണ്ണിയുടേത് അടക്കം രണ്ട് അറസ്റ്റ് ഇന്ന് രേഖപ്പെടുത്തും

Janayugom Online

വെഞ്ഞാറമൂടിലെ ഇരട്ട കൊലപതാക കേസിൽ കഴിഞ്ഞ ദിവസം കസ്റ്റഡിയിലായ ഐഎൻടിയുസി നേതാവ് മദപുരം ഉണ്ണി, കോൺഗ്രസ് പ്രവർത്തകനായ അൻസാർ എന്നിവരുടെ അറസ്റ്റ് ഇന്ന് രേഖപ്പെടുത്തും. ഇരുവരുടേയും ചോദ്യം ചെയ്യൽ തുടരുകയാണ്. കൊലപാതകങ്ങളിൽ നേരിട്ടു പങ്കെടുത്തവരാണ് ഇരുവരും. മറ്റാരുടേയെങ്കിലും സഹായമുണ്ടോ എന്നാണ് പോലീസ് പ്രധാനമായും ആരായുന്നത്.

ഇന്നലെ രാത്രിയാണ് മദപുരം കുന്നിൻ മുകളിൽവെച്ച് ഉണ്ണിയെ പോലീസ് പൊക്കിയത്. ഡി ഐ എഫ് ഐ പ്രവർത്തകരായ മിഥിലാജിനേയും ഹഖ് മുഹമ്മദിനേയും ആക്രമിച്ച സംഘത്തിൽപ്പെട്ട ഇയാൾ മറ്റ് പ്രതികളെ രക്ഷപ്പെടാനും സഹായിച്ചതായാണ് പോലീസ് സംശയിക്കുന്നത്. ഇരുവരും കസ്റ്റഡിയിലായതോടെ കേസിൽ പോലീസ് വലയിലാകുന്നവരുടെ എണ്ണം ഒമ്ബതായി. ഇതിൽ ഭൂരിഭാഗം പേരും കോൺഗ്രസ് സജീവ പ്രവർത്തകരാണെന്നത് രാഷ്ട്രീയ കൊലപാതകമാണെന്ന ആരോപണം ശരിവെക്കുന്നതാണ്.

you may also like this video