Web Desk

കോഴിക്കോട്

January 07, 2021, 4:39 pm

പ്ലസ് ടു കോഴ; കെ എം ഷാജിയെ വിജിലൻസ് ചോദ്യം ചെയ്യുന്നു

Janayugom Online

കെ എം ഷാജി എംഎല്‍എയെ വിജിലൻസ് ചോദ്യം ചെയ്യുന്നു. പ്ലസ്ടു കോഴ്സ് അനുവദിച്ചതിന് അഴീക്കോട് സ്കൂള്‍ മാനേജ്മെന്റിന്റെ കൈയില്‍ നിന്ന് 25 ലക്ഷം രൂപ കോഴ വാങ്ങിയെന്ന കേസിലാണ് വിജിലൻസ് അന്വേഷണം.

അനധികൃത സ്വത്ത് സമ്പാദിച്ചെന്ന കേസില്‍ കെ എം ഷാജിയുടെ പേരില്‍ വിജിലൻസ് അന്വേഷണം നടത്തുന്നുണ്ട്. അനധികൃതമായി ഷാജി സ്വത്ത് സമ്പാദിച്ചെന്ന പരാതിയില്‍ പ്രാഥമികാന്വേഷണം നടത്തി റിപ്പോര്‍ട്ട് സമര്‍പ്പിക്കണമെന്ന് കോഴിക്കോട് വിജിലൻസ് കോടതി നവംബര്‍ 9 ന് ഉത്തരവിട്ടിരുന്നു.

അന്വേഷണത്തിന്റെ ഭാഗമെന്നോണം പരാതിക്കാരനായ എംആര്‍ ഹരിഷീന്റെ മൊഴി കോഴിക്കോട് വിജിലൻസ് സംഘം രേഖപ്പെടുത്തിയിരുന്നു. രണ്ടു കോടിയിലധികം രൂപയുടെ വരവില്‍ കവിഞ്ഞ സ്വത്ത് ഷാജി സമ്പാദിച്ചതിനുളള തെളിവുകള്‍ കൈമാറിയതായി എം ആര്‍ ഹരീഷ് മാധ്യമങ്ങളോട് പ്രതികരിച്ചിരുന്നു.

ENGLISH SUMMARY: VIGILANCE QUESTIONING K M SHAJI

YOU MAY ALSO LIKE THIS VIDEO