തി​രു​വ​ന​ന്ത​പു​രം തമ്പാ​നൂ​രി​ലെ പി​എ​സ് സി ​പ​രി​ശീ​ല​ന കേ​ന്ദ്ര​ങ്ങ​ളി​ല്‍ വി​ജി​ല​ന്‍​സ് റെ​യ്ഡ്. തമ്പാ​നൂ​രി​ലെ വീ​റ്റോ, ല​ക്ഷ്യ എ​ന്നീ സ്ഥാ​പ​ന​ങ്ങ​ളി​ലാ​ണു റെ​യ്ഡ് ന​ട​ന്ന​ത്.സെ​ക്ര​ട്ട​റി​യേ​റ്റി​ലെ ഉ​ദ്യോ​ഗ​സ്ഥ​ര്‍ പി​എ​സ്‌​സി പ​രി​ശീ​ല​ന കേ​ന്ദ്ര​ങ്ങ​ള്‍ ന​ട​ത്തു​ന്നു എ​ന്ന വി​വ​ര​ത്തെ തു​ട​ര്‍​ന്നാ​ണു റെ​യ്ഡ്. സെ​ക്ര​ട്ടേ​റി​യ​റ്റ് പൊ​തു​ഭ​ര​ണ​വ​കു​പ്പി​ലെ അ​സി​സ്റ്റ​ന്‍റ് ത​സ്തി​ക​യി​ല്‍ ജോ​ലി​നോ​ക്കു​ന്ന മൂ​ന്നു പേ​ര്‍​ക്കെ​തി​രെ​യാ​ണു പ​രാ​തി വന്നിരിക്കുന്നത്. ഇ​തി​ല്‍ ര​ണ്ടു​പേ​ര്‍ ദീ​ര്‍​ഘ​കാ​ല അ​വ​ധി​യെ​ടു​ത്താ​ണു പ​രി​ശീ​ല​ന കേ​ന്ദ്രം ന​ട​ത്തു​ന്ന​ത്. മ​റ്റു​ള്ള​വ​രു​ടെ പേ​രി​ലാ​ണ് ഇ​വ​ര്‍ സ്ഥാ​പ​ന​ങ്ങ​ള്‍ ര​ജി​സ്റ്റ​ര്‍ ചെയ്തിട്ടുള്ളത്.

സം​ഭ​വ​ത്തി​ല്‍ പൊ​തു​ഭ​ര​ണ സെ​ക്ര​ട്ട​റി​യും പി​എ​സ്‌​സി സെ​ക്ര​ട്ട​റി​യും അ​ന്വേ​ഷ​ണം ആ​വ​ശ്യ​പ്പെ​ട്ടി​രു​ന്നു. ഉ​ദ്യോ​ഗ​സ്ഥ​രു​ടെ സ്വ​ത്ത് വി​വ​ര​ങ്ങ​ള്‍, പി​എ​സ്‌​സി​യു​മാ​യി ഉ​ദ്യോ​ഗ​സ്ഥ​ര്‍​ക്കു​ള്ള ബ​ന്ധം എ​ന്നീ കാ​ര്യ​ങ്ങ​ളാ​ണു വി​ജി​ല​ന്‍​സ് അ​ന്വേ​ഷി​ക്കു​ന്ന​ത്. ആ​രോ​പ​ണ വി​ധേ​യ​രാ​യ ഉ​ദ്യോ​ഗ​സ്ഥ​ര്‍​ക്കെ​തി​രെ അ​ന്വേ​ഷ​ണം ന​ട​ത്ത​ണ​മെ​ന്ന ശി​പാ​ര്‍​ശ ഫെ​ബ്രു​വ​രി ആ​ദ്യം പി​എ​സ്‌​സി സെ​ക്ര​ട്ട​റി പൊ​തു​ഭ​ര​ണ​വ​കു​പ്പ് സെ​ക്ര​ട്ട​റി​ക്ക് ന​ല്‍​കി​യി​രു​ന്നു. പൊ​തു​ഭ​ര​ണ​വ​കു​പ്പ് പ​രാ​തി വി​ജി​ല​ന്‍​സി​ന് കൈ​മാ​റു​ക​യാ​യി​രു​ന്നു. വി​ജി​ല​ന്‍​സ് റി​പ്പോ​ര്‍​ട്ടിന്റെ അ​ടി​സ്ഥാ​ന​ത്തി​ലാ​കും തു​ട​ര്‍​ന​ട​പ​ടി​ക​ള്‍.

ജില്ലകൾ തോറും ഉദ്യോഗസ്ഥർക്ക് പിഎസ്‌സി പരിശീലന കേന്ദ്രങ്ങൾ

സംസ്ഥാനത്തുടനീളം സർക്കാർ ഉദ്യോഗസ്ഥരും അവരുടെ ബിനാമികളുടെ പി എസ് സി-ബാങ്ക് പരീക്ഷാ കോച്ചിംഗ് സ്ഥാപനങ്ങളും എൻട്രൻസ് പരിശീലന കേന്ദ്രങ്ങളും നടത്തുന്നതായി വിവരം. സെക്രട്ടേറിയറ്റ് ഉദ്യോഗസ്ഥർക്ക് പിഎസ്‌സി പരീശീലന സ്ഥാപനങ്ങളുണ്ടെന്ന ആക്ഷേപത്തിൽ വിജിലൻസ് വിഭാഗം നടപടികൾ എടുക്കുന്ന വിവരം പുറത്തുവന്നതോടെയാണ് സംസ്ഥാനത്തിന്റെ വിവിധ ഭാഗങ്ങളിൽ നിന്ന് ഇത് സംബന്ധിച്ച ആക്ഷേപങ്ങൾ ഉയർന്നത്. വിവിധ ജില്ലകളിൽ ജില്ലാ തലങ്ങളിൽ നിർണായക സ്ഥാനത്തിരിക്കുന്ന ചിലർ നേരിട്ട് തന്നെ ഇത്തരത്തിലുള്ള സ്ഥാപനങ്ങൾ നടത്തുന്നതായി വിവരമുണ്ട്. കോഴിക്കോട് ജില്ലയിൽ എൽ ഡി ക്ലർക്കുമാർ അടക്കമുള്ളവർ വ്യാപകമായി പരിശീലന കേന്ദ്രങ്ങളിൽ ക്ലാസുകളെടുക്കുന്നുണ്ട്. ശനി, ഞായർ ദിവസങ്ങളിൽ ഏതാണ്ട് മുഴുവൻ സമയവും മറ്റ് ദിവസങ്ങളിൽ രാവിലെയുമാണ് ഇവർ ക്ലാസുകളെടുക്കുക. ഒന്നിലധികം പരിശീലനകേന്ദ്രങ്ങളിൽ ക്ലാസുകളെടുക്കുന്നവരുമുണ്ട്.

പരീക്ഷ അടുക്കുന്ന സമയത്ത് മൂന്നും നാലും മാസങ്ങളിൽ തീവ്രപരിശീലനം നൽകുന്നതിന് പകൽ മുഴുവൻ സമയവും ഇത്തരം പരിശീലന സ്ഥാപനങ്ങളിൽ സമയം ചെലവിടുന്നവരും കുറവല്ല. അപൂർവ്വം ചിലർ ശമ്പളത്തോടുകൂടിയോേ അല്ലാതെയോ അവധിയെടുക്കുമെങ്കിലും മിക്കവരും ഓഫീസ് ഡ്യൂട്ടി അഡ്ജസ്റ്റ് ചെയ്താണ് ക്ലാസുകൾ ഉഷാറാക്കുന്നത്. സർക്കാർ ഉദ്യോഗസ്ഥർ മറ്റ് വരുമാനമുള്ള ജോലികൾ ചെയ്യുന്നത് നിയമവിരുദ്ധമാണെന്നിരിക്കെയാണ് പിഎസ്‌സി പരിശീലനത്തിന്റെ പേരിൽ സംസ്ഥാനത്തെമ്പാടും നിയമവിരുദ്ധ പ്രവർത്തനങ്ങൾ അരങ്ങേറുന്നത്. ചിലർ സർവ്വീസിൽ നിന്നും ദീർഘാവധിയെടുത്താണ് പരിശീലന കേന്ദ്രങ്ങളിൽ ക്ലാസുകൾ എടുക്കുന്നത്. എന്നാൽ പെൻഷൻ ആനുകൂല്യങ്ങൾ ലഭിക്കേണ്ടതിനാൽ സർവ്വീസിൽ നിന്നും രാജിവയ്ക്കാനും ഇവർ തയ്യാറാകില്ല.

Eng­lish Sum­ma­ry: vig­i­lance raid in psc couch­ing cen­ter in thampanoor

You may also like this video