സൂര്യയ്ക്ക് റോളക്സ് വാച്ച് സമ്മാനിച്ച് കമൽഹാസൻ; സമൂഹമാധ്യമങ്ങളില്‍ വൈറലായി ഉലകനായകന്‍

ജൂണ്‍ മൂന്നിന് പുറത്തിറങ്ങിയ വിക്രം സിനിമയുടെ വിജയത്തിൽ നടൻ സൂര്യയ്ക്ക് റോളക്സ് വാച്ച് സമ്മാനിച്ച് കമൽഹാസൻ. ഇതോടെ ഉലകനായന്‍ വീണ്ടും സമൂഹമാധ്യമങ്ങളില്‍ വൈറലായി. കഴിഞ്ഞ ദിവസം ചിത്രത്തിന്റെ സംവിധായകന്‍ ലോകേഷിന് പുതിയ കാറിന്റെ താക്കോൽ കമൽ സമ്മാനിക്കുന്ന ചിത്രം സമൂഹമാധ്യമങ്ങളിൽ വൈറലായിരുന്നു. വിക്രം ചിത്രത്തിന്റെ ക്ലൈമാക്സിൽ റോളക്സ് എന്ന വില്ലൻ കഥാപാത്രമായി എത്തുന്ന സൂര്യയുടെ പ്രകടനം തിയറ്ററുകളിൽ വലിയ കയ്യടിയാണ് നേടികൊണ്ടിരിക്കുന്നത്. ആഡംബര വാച്ച് നിർമ്മാതാക്കളായ റോളക്സിന്റെ ഒരു വാച്ചാണ് കമൽ ഹാസൻ നേരിട്ടെത്തി സൂര്യയ്ക്ക് നൽകിയത്. കമൽ വാച്ച് സമ്മാനിക്കുന്നതും താൻ ആ വാച്ച് അണിഞ്ഞു നിൽക്കുന്ന ചിത്രങ്ങളടക്കം സൂര്യ ട്വിറ്ററിൽ പോസ്റ്റ് ചെയ്തിട്ടുണ്ട്. ഒപ്പം സമ്മാനത്തിനുള്ള നന്ദിയും അറിയിച്ചിട്ടുണ്ട്. ജീവിതത്തെ മനോഹരമാക്കുന്നത് ഇതുപോലെയുള്ള ചില നിമിഷങ്ങളാണ്, നിങ്ങളുടെ റോളക്സിന് നന്ദി അണ്ണാ.…, എന്നാണ് സൂര്യയുടെ ട്വീറ്റ്.

A moment like this makes life beau­ti­ful! Thank you Anna for your #Rolex! @ikamalhaasan pic.twitter.com/uAfAM8bVkM

— Suriya Sivaku­mar (@Suriya_offl) June 8, 2022

ലോകേഷിന് പുതിയ കാറിന്റെ താക്കോൽ കമൽ സമ്മാനിക്കുന്ന ചിത്രം സമൂഹമാധ്യമങ്ങളിൽ വൈറലാണ്. ‘നന്ദി ആണ്ടവനേ’ എന്ന ക്യാപ്ഷനോടെ കാറിന്റെ ചിത്രവും ലോകേഷ് സമൂഹമാധ്യമങ്ങളിൽ പോസ്റ്റ് ചെയ്തിരുന്നു.

Thank you so much Aan­davarey @ikamalhaasan 🙏🏻 ❤️❤️❤️ pic.twitter.com/h2qZjWKApm

— Lokesh Kana­garaj (@Dir_Lokesh) June 7, 2022

വിക്രത്തിന് വലിയ പ്രേക്ഷകസ്വീകാര്യതയാണ് ലഭിക്കുന്നത്. റിലീസ് ചെയ്ത് മൂന്നു ദിവസം കൊണ്ട് 100 കോടിയിലേറെ രൂപയാണ് ബോക്സ്ഓഫിസിൽ നിന്ന് ചിത്രം നേടിയത്. മലയാളി താരങ്ങളായ ഫഹദ് ഫാസിൽ, നരേൻ, ചെമ്പൻ വിനോദ് ജോസ്, കാളിദാസ് ജയറാം ഉൾപ്പെടെയുള്ളവർ ചിത്രത്തിലുണ്ട്. കൈതി എന്ന തന്റെ ചിത്രത്തിന്റെ അടുത്ത ഭാഗമായിട്ടാണ് ലോകേഷ് വിക്രം ഒരുക്കിയിരിക്കുന്നതെന്നാണ് പുറത്ത് വരുന്ന വിവരങ്ങള്‍.

You may like this video also