Web Desk

ന്യൂഡൽഹി

July 26, 2020, 10:38 pm

ബിപിസിഎല്ലിലെ ജീവനക്കാർക്ക് വിആർഎസ്

Janayugom Online

സ്വകാര്യവൽക്കരണത്തിന് മുന്നോടിയായി പൊതുമേഖലാ സ്ഥാപനമായ ബിപിസിഎല്ലിലെ ജീവനക്കാർക്ക് സ്വയം വിരമിക്കൽ ( വിആർഎസ്) പദ്ധതി നടപ്പാക്കുന്നു. ഓഹരി വില്പനയുമായി ബന്ധപ്പെട്ട താൽപ്പര്യപത്രം സമർപ്പിക്കുന്നതിനുള്ള അവസാന തിയതി ജൂലായ് 31 ആണ്. 52.98 ശതമാനം ഓഹരിയാണ് വില്ക്കുന്നത്.

സ്വയം വിരമിക്കൽ പദ്ധതിക്കുള്ള അപേക്ഷ നൽകാനുള്ള അവസാന തിയതിയും ഈ മാസം 31 ആണ്. 45 വയസിന് മുകളിൽ പ്രായമുള്ള തൊഴിലാളികൾക്കാണ് വിആർഎസ് അനുവദിക്കുന്നത്. ബിപിസിഎൽ ഏറ്റെടുക്കുന്നതിനായി നിരവധി ദേശ- ദേശാന്തര കമ്പനികൾ രംഗത്തെത്തിയിട്ടുണ്ട്. സൗദി അരാംകോ, അബുദാബി നാഷണൽ ഓയിൽ കോർപ്പറേഷൻ, റഷ്യൻ കമ്പനിയായ റോസ് നെറ്റ്, എക്സോൺ മൊബീൽ തുടങ്ങിയ വിദേശ കമ്പനികളാണ് ഇപ്പോൽ ബിപിസിഎൽ എറ്റെടുക്കുന്നതിനായി രംഗത്തെത്തിയത്.

ENGLISH SUMMARY:VRS for BPCL employees
You may also like this video