August 12, 2022 Friday

Related news

July 28, 2022
July 21, 2022
July 20, 2022
July 17, 2022
July 12, 2022
June 27, 2022
June 7, 2022
June 6, 2022
June 3, 2022
June 3, 2022

മകൾ ഇറങ്ങുന്നതിന് മുമ്പ് ബസ് എടുത്തത് ചോദ്യം ചെയ്ത പിതാവിനെ തള്ളിയിട്ടു: ബസ്സിന്റെ പിൻചക്രം കയറി ഗുരുതര പരിക്ക്

Janayugom Webdesk
വയനാട്
January 17, 2020 12:26 pm

ഇറങ്ങുന്നതിന് മുമ്പ് ബസ് എടുത്തത് ചോദ്യം ചെയ്ത യാത്രക്കാരെ തള്ളിയിട്ട് സ്വകാര്യ ബസ് നിര്‍ത്താതെ പോയതായി പരാതി. വയനാട് ബത്തേരിയില്‍ മീനങ്ങാടിക്കടുത്താണ് സംഭവം. തള്ളിയിട്ട യാത്രക്കാരന്റെ കാലിലൂടെ ബസിന്റെ പിൻചക്രം കയറിയിറങ്ങി. കാര്യമ്പാടി സ്വദേശി ജോസഫിന്റെ കാലിനാണ് ഗുരുതര പരിക്കേറ്റത്. തുടയെല്ലുകള്‍ക്ക് ഗുരുതര പരിക്കേറ്റ ജോസഫ് ആശുപത്രിയില്‍ ചികിത്സയിലാണ്. മകള്‍ക്കും പരിക്കേറ്റിട്ടുണ്ട്.

വ്യാഴാഴ്ച വൈകുന്നേരം മൂന്നരയോടെ സുല്‍ത്താന്‍ ബത്തേരിയില്‍ നിന്ന് കല്‍പറ്റയിലേക്ക് വരികയായിരുന്ന സ്വകാര്യ ബസ്സിലാണ് സംഭവം. ജോസഫും മകളും ഇറങ്ങുന്നതിനു മുമ്പ് ബസ് എടുക്കുകയായിരുന്നു.

ബസ് മുന്നോട്ട് എടുത്തതിനെ തുടര്‍ന്ന് ജോസഫിന്റെ മകള്‍ നീതു റോഡിലേക്ക് തെറിച്ചു വീണു. മകൾ വീണത് ചോദ്യം ചെയ്യാനായി ബസിലേക്ക് കയറിയ ജോസഫിനെ കണ്ടക്ടര്‍ തള്ളുകയായിരുന്നു. പുറത്തേയക്ക് വീണ ജോസഫിന്റെ കാലിലൂടെ ബസ്സിന്റെ പിന്‍ചക്രം കയറിയിറങ്ങി. സംഭവത്തില്‍ കുറ്റക്കാർക്കെതിരെ മകള്‍ പരാതി നല്‍കി.

YOU MAY ALSO LIKE

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.