Web Desk

January 01, 2020, 9:32 pm

ഹേമ കമ്മീഷൻ റിപ്പോർട്ട്; സിനിമയിലെ വനിത കൂട്ടായ്മ രൂപീകരണത്തിനുള്ള അഗീകാരം: ഡബ്ള്യുസിസി

Janayugom Online

തിരുവനന്തപുരം: സിനിമയിലെ വനിത കൂട്ടായ്മ രൂപീകരണത്തിനുള്ള അഗീകാരമാണ് ഹേമ കമ്മീഷൻ റിപ്പോർട്ടെന്ന് ഡബ്ള്യുസിസി. സ്ത്രീകൾക്ക് സിനിമയിൽ ചുവടുറപ്പിക്കാൻ റിപ്പോർട്ട് കരുത്തുപകരുമെന്നും നേതൃത്വം പ്രതികരിച്ചു.

സിനിമയിൽ അവസരം ലഭിക്കാൻ ലൈംഗികമായ ചൂഷണത്തിന് വിധേയരാകേണ്ടി വന്നിട്ടുണ്ടെന്ന് ചില നടികൾ തെളിവ് സഹിതം വെളിപ്പെടുത്തിയതായി ജസ്റ്റിസ് ഹേമ കമ്മിഷൻ ഇന്നലെ വ്യക്തമാക്കിയിരുന്നു. മലയാള സിനിമാ രംഗത്ത് അഭിനേതാക്കളെ തീരുമാനിക്കാനും വിലക്കാനും ശക്തിയുള്ള ലോബിയുണ്ടെന്നും റിപ്പോർട്ട് പറയുന്നു. മലയാള സിനിമയിലെ സ്ത്രീകളുടെ പ്രശ്നങ്ങൾ പഠിക്കാൻ നിയോഗിച്ച ജസ്റ്റിസ് ഹേമ കമ്മിഷൻ മുഖ്യമന്ത്രിക്ക് റിപ്പോർട്ട് കൈമാറി. കമ്മിഷൻ രൂപീകരിച്ച് രണ്ടര വർഷത്തിനുശേഷമാണ് റിപ്പോർട്ട് സമർപ്പിച്ചത്.

Eng­lish sum­ma­ry: wcc reac­tion hema com­mis­sion report.

‘you may also like this video’