കണ്ണൂർ അഴീക്കലിൽ തിമിംഗലത്തിന്റെ ജഢം കരക്കടിഞ്ഞു. ബുധനാഴ്ച കാലത്ത് എട്ടരയോടെ സമീപവാസികളാണ് ചാൽ ലൈറ്റ് ഹൗസിന് സമീപം ജഢം കണ്ടെത്തിയത്. നാട്ടുകാർ വിവരമറിയിച്ചതിനെ തുടർന്ന് കോസ്റ്റൽ പൊലീസ് സ്ഥലത്തെത്തി പരിശോധന നടത്തി. ഫോറസ്റ്റ് അധികൃതരും സ്ഥലത്തെത്തിയിരുന്നു. അഴീക്കൽ ഭാഗത്ത് തിമിംഗലം കരക്കടിയുന്നത് ആദ്യമായാണ്. ഇതിനെ കുറിച്ച് വിശദമായ അന്വേഷണം നടത്തുമെന്ന് അധികൃതർ അറിയിച്ചു.
തിമിംഗലത്തിന്റെ കുടൽമാല പുറത്തായ നിലയിലായിരുന്നു. വാലിന്റെ ഭാഗത്തും പരിക്കുണ്ട്. വാലിൽ വലയുടെ ചെറിയ ഭാഗം കുടുങ്ങിയ നിലയിലും കണ്ടെത്തിയിട്ടുണ്ട്. തിമംഗല വേട്ട ജാമ്യമില്ലാ കുറ്റമാണ്. അതു കൊണ്ട് തന്നെ പോസ്റ്റ്മോർട്ടം റിപ്പോർട്ട് വിശദമായി പരിശോധിച്ച ശേഷം തുടർനടപടികളുണ്ടാവും. മൃഗഡോക്ടറുടെ നേതൃത്വത്തിൽ പോസ്റ്റ്മാർട്ടം നടത്തിയ ശേഷം ജഢം സംസ്കരിക്കും.
(പ്രതീകാത്മക ചിത്രം)
english summary;Whale carcass landed at Kannur Azhikkal
you may also like this video;
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.