ബാല ലൈംഗികത പ്രചരിപ്പിച്ച വാട്സാപ്പ് ഗ്രൂപ്പ് പിടിയില്‍

Web Desk

ന്യൂഡല്‍ഹി

Posted on February 22, 2018, 8:58 pm

ബാല ലൈംഗിക വീഡിയോകള്‍ വാട്സാപ്പിലൂടെ പ്രചരിപ്പിക്കുന്ന ഗ്രൂപ്പിനെ പൊലീസ് പിടികൂടി.  ചൈല്‍ഡ് പോണ്‍ വാട്സാപ്പ് ഗ്രൂപ്പില്‍ കുട്ടികളുടെ അശ്ലീലത ആഗോളതലത്തില്‍  പ്രചരിപ്പിക്കുകയും അപ് ലോഡ് ചെയ്യുകയും ചെയ്യുന്നതായുള്ള വിവരങ്ങള്‍ ലഭിച്ചതിനെത്തുടര്‍ന്നാണ്  ഗ്രൂപ്പിനെ കണ്ടെത്താനായത്. ഡല്‍ഹി, നോയിഡ, കന്നൗജ്, മുംബൈ എന്നിവിടങ്ങളില്‍ നടത്തിയ റെയ്ഡുകളിലാണ് ഗ്രൂപ്പിനെ പിടികൂടിയത്. ഇവര്‍ക്കെതിരെ കേസ് രജിസ്റ്റര്‍ ചെയ്തു. 119 അംഗങ്ങളാണ് ഇൗ വാട്സാപ്പ് ഗ്രൂപ്പിലുള്ളതെന്നും കണ്ടെത്തിയിട്ടുണ്ട്.

യുഎസ്, പാകിസ്ഥാന്‍, ചൈന, ശ്രീലർങ്ക, ബ്രസീല്‍, അഫ്ഗാനിസ്ഥാന്‍, കെനിയ, നൈജീരിയ ഉള്‍പ്പടെയുള്ള രാജ്യങ്ങളില്‍ ഇൗ വാട്സാപ്പ് ഗ്രൂപ്പ് വ്യാപിച്ചു കഴി‍ഞ്ഞു. ഗ്രൂപ്പിന്റെ കിഡ്സ് XXX എന്ന പേരിലുള്ള അഞ്ച് അഡ്മിനുകളിൽ ഒരാളെ അറസ്റ്റ് ചെയ്തു. ഉത്തര്‍പ്രദേശിലെ കന്നൗജ് നിവാസിയായ നിഖില്‍ വര്‍മയെയാണ് അറസ്റ്റുചെയ്തത്. ഇരുപതുകാരനായ നിഖില്‍ ബികോം ബിരുദധാരിയും തൊഴില്‍രഹിതനുമാണ്.

മുംബൈ സ്വദേശിയായ സത്യേന്ദ്ര ചൗഹാന്‍, ഡല്‍ഹി സ്വദേശികളായ നഫീസ് റാസ, സഹീദ്, നോയിഡ സ്വദേശിയായ ആദര്‍ശ് എന്നിവരാണ് വാട്സാപ്പ് ഗ്രൂപ്പിലെ മറ്റു അഡ്മിമിനിസ്ട്രേറ്റേഴ്സ്.

ലൈംഗികച്ചുവയുള്ള വീഡിയോകൾ കാണുന്നതും ഷെയര്‍ ചെയ്യുന്നതും അപ്ലോഡുചെയ്യുന്നതും ഡൗൺലോഡുചെയ്യുന്നതും ഇന്ത്യയില്‍ കുറ്റകരമാണ്.