കോവിഡ് മഹാമാരി ഏറ്റവും നിര്‍ണായക ഘട്ടത്തിലാണെന്ന് ലോകാരോഗ്യ സംഘടന മേധാവി ടെഡ്രോസ് അഥാനോം ഗബ്രിയേസസ്. കോവിഡിന്റെ പ്രതിസന്ധി ഘട്ടത്തെ നേരിടാന്‍ ലോകരാജ്യങ്ങള്‍ ഒരുമിച്ച് പ്രവര്‍ത്തിക്കണമെന്നും ലോകാരോഗ്യ സംഘടന രാജ്യങ്ങള്‍ക്ക് പിന്തുണ നല്‍കുന്നതിനായി സജ്ജമാണെന്നും അദ്ദേഹം പറഞ്ഞു. പരിഭ്രാന്തിയോ ജാഗത്രക്കുറവോ കാണിച്ച് കോവിഡിന് തുടര്‍ച്ചയുണ്ടാകാന്‍ അനുവദിക്കരുതെന്നും ടെഡ്രോസ് കൂട്ടിച്ചേര്‍ത്തു.
ജര്‍മ്മനി ലോകാരോഗ്യ സംഘടനയുടെ ഏറ്റവും വലിയ ദാതാവായെന്നും ടെഡ്രോസ് പറഞ്ഞു. എന്നാല്‍ ജര്‍മ്മനിയില്‍ നിന്നുള്ള സാമ്പത്തിക സഹായങ്ങളുടെ കൂടുതല്‍ വിവരങ്ങള്‍ അദ്ദേഹം വ്യക്തമാക്കിയില്ല. അംഗരാജ്യങ്ങളില്‍ നിന്ന് സംഘടനയ്ക്ക് ഏറ്റവും കൂടുതല്‍ സാമ്പത്തിക സഹായം ലഭിച്ചിട്ടുള്ളത് അമേരിക്കയില്‍ നിന്നാണ്.
English summary; WHO says covid is at a critical stage
You may also like this video;
