September 26, 2022 Monday

Related news

September 25, 2022
September 24, 2022
September 15, 2022
September 13, 2022
September 12, 2022
September 6, 2022
September 6, 2022
August 25, 2022
August 15, 2022
August 12, 2022

കോവിഡ് ചികിത്സ; ഹൈഡ്രോക്സി ക്ലോറോക്വിൻ നൽകുന്നത് മരണത്തിന് കാരണമാകുമെന്ന്

Janayugom Webdesk
ജനീവ
May 26, 2020 3:15 pm

കോവിഡ്–19ന്റെ ചികിത്സയ്ക്ക് മലേറിയയ്ക്കെതിരെയുള്ള മരുന്നായ ഹൈഡ്രോക്സി ക്ലോറോക്വിന്റെ ഉപയോഗം നിർത്തിവയ്ക്കാൻ ലോകാരോഗ്യ സംഘടനയുടെ നിർദേശം. ഹൈഡ്രോക്സി ക്ലോറോക്വിന്റെ ഉപയോഗം പലരുടെയും അന്ത്യം അടുപ്പിക്കുമെന്ന് ദി ലാൻസെറ്റിൽ പ്രസിദ്ധീകരിച്ച പഠനത്തിൽ പറയുന്നു. ആർത്രൈറ്റിസ് ചികിത്സയ്ക്കാണ് ഹൈഡ്രോക്സി ക്ലോറോക്വിൻ സാധാരണയായി ഉപയോഗിക്കുക. ഈ മരുന്ന് കോവിഡ് രോഗികളിൽ ഗുരുതര പ്രശ്നങ്ങൾ ഉണ്ടാക്കിയേക്കുമെന്ന പഠനത്തിന്റെ അടിസ്ഥാനത്തിലാണ് പുതിയ തീരുമാനം. എന്നാൽ യുഎസ് പ്രസിഡന്റ് ഡോണൾഡ് ട്രംപ് ഉൾപ്പെടെയുള്ളവർ ഈ മരുന്ന് കോവിഡ് പ്രതിരോധത്തിന്റെ ഭാഗമായി കഴിക്കാറുണ്ടെന്നു വെളിപ്പെടുത്തിയതോടെ പല രാജ്യങ്ങളും മരുന്നു വലിയ തോതിൽ വാങ്ങിക്കൂട്ടിയിരുന്നു.

ബ്രസീലിന്റെ ആരോഗ്യമന്ത്രിയും ഈ മരുന്ന് ഉപയോഗിക്കുന്നതിനെ പ്രോത്സാഹിപ്പിച്ചിരുന്നു. ക്ലോറോക്വിൻ എന്ന മരുന്നും ഇതിനായി ഉപയോഗിക്കാമെന്നാണ് ബ്രസീൽ മന്ത്രി പറഞ്ഞത്. ഈ രണ്ട് മരുന്നുകൾക്കും പാർശ്വ ഫലങ്ങളുണ്ടെന്ന് ലാൻസെറ്റിന്റെ പഠനത്തിൽ പറയുന്നു. കോവിഡ്–19 രോഗം ബാധിച്ചവർക്ക് ഈ മരുന്നുകൊണ്ട് കാര്യമായ പ്രയോജനം ഉണ്ടാകുന്നില്ലെന്നാണ് കണ്ടെത്തൽ. അതേസമയം, മലേറിയ ഉള്ളവർക്ക് ഈ മരുന്നുകൾ ഉപകാരപ്രദമാണെന്ന് ടെഡ്രോസ് വ്യക്തമാക്കി.

Eng­lish sum­ma­ry; WHO Stops Tri­al Of Anti-Malar­i­al Drug For COVID-19 Over Safe­ty Concerns

you may also like this video;

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.