17 February 2025, Monday
KSFE Galaxy Chits Banner 2

Related news

January 29, 2025
January 28, 2025
January 14, 2025
January 14, 2025
January 8, 2025
January 3, 2025
December 13, 2024
December 11, 2024
December 10, 2024
December 6, 2024

പിരിച്ചുവിട്ടതിനെതിരെ ഹൈക്കോടതിയെ സമീപിക്കും : ഡോ. കഫീൽ ഖാൻ

Janayugom Webdesk
ല്ഖ്നൗ
November 23, 2021 8:38 pm

ഉത്തർപ്രദേശ് സർക്കാര്‍ തന്നെ പിരിച്ചുവിട്ടതിനെതിരെ ഹൈക്കോടതിയെ സമീപിക്കുമെന്ന് ഡോ. കഫീൽ ഖാൻ. 2017ൽ ഓക്‌സിജൻ ക്ഷാമം മൂലം കുട്ടികൾ മരിച്ച സംഭവവുമായി ബന്ധപ്പെട്ടാണ് യു പി സര്‍ക്കാര്‍ ഡോ. കഫീല്‍ ഖാനെ സര്‍വീസില്‍ നിന്നും പിരിച്ചുവിട്ടത്. നവംബർ 11നാണ് കഫീല്‍ ഖാനെ പിരിച്ചുവിട്ടുകൊണ്ട് സര്‍ക്കാര്‍ ഉത്തരവിറക്കിയത്.യുപി സർക്കാരിന്റെ ആരോഗ്യ സംവിധാനത്തിലെ പിഴവുകൾ ജനമധ്യത്തിൽ കൊണ്ടുവന്നതുകൊണ്ടാണ് സർക്കാർ തന്നെ വേട്ടയാടുന്നതെന്നും അദ്ദേഹം പറഞ്ഞു. മുസ്‍ലിമായതുകൊണ്ടു മാത്രമല്ല തന്നെ ലക്ഷ്യം വയ്ക്കുന്നത്. അവര്‍ക്ക് ഒരു ബലിയാടിനെ വേണമായിരുന്നു. സ്വന്തം ആളുകളെ രക്ഷിക്കാനാണ് അവരിങ്ങനെ ചെയ്തതെന്നും കഫീല്‍ ഖാന്‍ പറഞ്ഞു. 

ഗോരഖ്പൂരിലെ ആശുപത്രിയിൽ 63 കുഞ്ഞുങ്ങളും 18 രോഗികളും മരിക്കാനിടയായ ഓക്സിജൻ ക്ഷാമത്തെക്കുറിച്ച് ഉത്തർപ്രദേശ് സർക്കാരിനു നേരത്തെ അറിവുണ്ടായിരുന്നുവെന്നും ഡോ. കഫീൽ ഖാൻ പറഞ്ഞു. ഹൈക്കോടതിയും സർക്കാർ അന്വേഷണ കമ്മിഷനുകളും തന്നെ കുറ്റവിമുക്തനാക്കിയ ശേഷമാണ് സര്‍ക്കാര്‍ തന്നെ പിരിച്ചുവിട്ടത്.ആളുകളെ രക്ഷിക്കാന്‍ താൻ പരമാവധി ശ്രമിച്ചെന്ന് കോടതി തന്നെ നിരീക്ഷിച്ചിട്ടുള്ളതാണ്. ഇതിനെതിരെ ഹൈക്കോടതിയെ സമീപിക്കുമെന്നും കഫീല്‍ ഖാന്‍ പറഞ്ഞു. 

സർക്കാർ സർവീസിൽ ചേരുന്നതിനു മുൻപ് സ്വകാര്യ പ്രാക്ടീസ് നടത്തിയതാണു പിരിച്ചുവിടാൻ ഒരു കാരണമായി പറയുന്നത്. 2016 ഓഗസ്റ്റ് എട്ടിനാണ് താന്‍ മെഡിക്കല്‍ കോളജില്‍ ചേര്‍ന്നത്. അതിന് മുന്‍പ് സ്വകാര്യ പ്രാക്ടീസ് നടത്തിയോ എന്നത് വിഷയമല്ല. എന്നിട്ടും സ്വകര്യ പ്രാക്ടീസ് വിഷയമാണെന്നാണ് അവര്‍ പറയുന്നത്. ഡോ. കഫീൽ ഖാൻ പറഞ്ഞു.
eng­lish summary;Will approach High Court against dis­missal: Dr. Kafeel Khan
you may also like this video;

Kerala State AIDS Control Society
Kerala State - Students Savings Scheme

TOP NEWS

February 17, 2025
February 17, 2025
February 17, 2025
February 17, 2025
February 17, 2025
February 17, 2025

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.