Web Desk

December 13, 2019, 2:56 pm

ഒന്നാം വിവാഹ വാർഷികത്തിന് ദിവസങ്ങൾ മാത്രം അവശേഷിക്കെ വിവാഹ മോചനത്തിനൊരുങ്ങി പ്രമുഖ നടി

Janayugom Online

ഒന്നാം വിവാഹ വാർഷികത്തിന് ദിവസങ്ങൾ മാത്രം അവശേഷിക്കെ വിവാഹ മോചനത്തിനൊരുങ്ങി ശ്വേതാ ബസു. ശ്വേത തന്നെയാണ് വേർപിരിയുന്നതുമായി ബന്ധപ്പെട്ട വാർത്ത പുറത്തു വിട്ടിരിക്കുന്നത്. വിവാഹം കഴിഞ്ഞു ഒരു വര്ഷം തികയുന്നതിനു മുൻപേ താരത്തിന്റെ ഇത്തരത്തിലൊരു വെളിപ്പെടുത്തലിൽ ഞെട്ടിയിരിക്കുകയാണ് ആരാധകർ.

കഴിഞ്ഞ ഡിസംബറിലാണ് ഇരുവരും തമ്മിലുള്ള വിവാഹം നടന്നത്. സോഷ്യൽ മീഡിയ വഴിയാണ് വിവാഹ മോചനത്തിനൊരുങ്ങുന്ന കാര്യം താരം വ്യക്തമാക്കിയിരിക്കുന്നത്. കുറച്ചു മാസങ്ങളായി ഇതേ പറ്റി ചിന്തിക്കുന്നതായും ഇരുവരും ചേർന്നെടുത്ത തീരുമാനമാണ് ഇതെന്നും കുറിപ്പിൽ പറയുന്നു. പകരം വെക്കാനില്ലാത്ത ഓർമ്മകൾ നൽകിയതിനും കൂടെ നിന്നതിനും നന്ദി പറയുന്നതായും. ഇനിയുളള ജീവിതത്തിന് എല്ലാവിധ ആശംസകൾ നേരുന്നതായും കുറിപ്പിൽ പറയുന്നു.

ദീർഘ നാളത്തെ പ്രണയത്തിനൊടുവിലാണ് ശ്വേതാ ബസുവും രോഹിത്ത് മിതാലയും തമ്മിലുള്ള വിവാഹം നടന്നത്.

രണ്ട് വർഷം മുൻപ് സെക്സ് റാക്കറ്റുമായി ബന്ധപ്പെട്ട കേസിൽ ശ്വേത അറസ്റ്റ് ചെയ്യപ്പെട്ടിരുന്നു. ഇത് വലിയ വാർത്തയാവുകയും ചെയ്തു. കുടുംബം പുലർത്താൻ വേണ്ടിയാണ് താൻ വേശ്യാവൃത്തി സ്വീകരിച്ചതെന്നായിരുന്നു നടി അന്ന് പറഞ്ഞത് ഇതും വലിയ രീതിയിൽ ചർച്ചയായി. വിവാദങ്ങളിൽ കുടുങ്ങിയതോടെ കരിയർ ബ്രേക്ക് ആയെങ്കിലും മിനിസ്ക്രീനിലൂടെ നടി തിരിച്ച് വരവ് നടത്തിയിരുന്നു.