ജയ്പൂർ വിമാനത്താവളത്തിൽ ആറുകോടി രൂപ വിലമതിക്കുന്ന ഹെറോയിനുമായി യുവതി പിടിയില്‍. 862 ഗ്രാം ഹെറോയിൻ അടങ്ങിയ 88 ക്യാപ്‌സ്യൂളുകളാണ് സുഡാൻ സ്വദേശിനിയായ യുവതിയില്‍ നിന്നും പിടിച്ചെടുത്തത്.
സംശയം തോന്നിയ യുവതിയെ സ്കാനിങ്ങിന് വിധേയയാക്കിയപ്പോഴാണ് ശരീരത്തും വയറ്റിലുമായി ഒളിപ്പിച്ച മയക്കുമരുന്ന് അടങ്ങിയ ഗുളികകള്‍ കണ്ടെത്തിയത്.
ഷാർജയിൽ നിന്ന് ജയ്പൂർ വിമാനത്താവളത്തിൽ ഫെബ്രുവരി 19 ന് എത്തിയ ഇവരില്‍ നിന്ന് 12 ദിവസമെടുത്താണ് ഗുളികകള്‍ പുറത്തെടുത്തതെന്ന് ഉദ്യോഗസ്ഥര്‍ പറഞ്ഞു.
സ്വകാര്യ ഭാഗങ്ങളിലും, വയറ്റില്‍ നിന്നുമാണ് ഗുളികകള്‍ കണ്ടെടുത്തത്. ബുധനാഴ്ച കോടതിയിൽ ഹാജരാക്കിയ യുവതിയെ 14 ദിവസത്തേക്ക് ജുഡീഷ്യൽ കസ്റ്റഡിയിൽ വിട്ടു.
english summary; Woman arrested with heroin worth Rs 6 crore
you may also like this video;
