Web Desk

കാഞ്ഞിരപ്പള്ളി

June 07, 2021, 6:17 pm

കാഞ്ഞിരപ്പള്ളിയില്‍ യുവതിക്ക് പീഡനം; വനിതാ കമ്മിഷന്‍ കേസെടുത്തു

Janayugom Online

കാഞ്ഞിരപ്പള്ളിയില്‍ യുവതിയെ ഭര്‍ത്താവും കുടുംബവും ശാരീകമായും മാനസികമായും ഉപദ്രവിക്കുന്ന വാര്‍ത്തയുടെ അടിസ്ഥാനത്തില്‍ കേരള വനിതാ കമ്മിഷന്‍ സ്വമേധയാ കേസെടുത്തു. വിഷയം സംബന്ധിച്ച പൊലീസ് റിപ്പോര്‍ട്ട് ഒരാഴ്ച്ചയ്ക്കകം സമര്‍പ്പിക്കാനും ചെയര്‍പേഴ്‌സണ്‍ എം സി ജോസഫൈന്‍ കോട്ടയം ജില്ലാ പൊലീസ് മേധാവിക്ക് നിര്‍ദേശം നല്‍കി.

സംഭവത്തിന്റെ നിജസ്ഥിതിസംബന്ധിച്ച റിപ്പോര്‍ട്ട് അടിയന്തരമായി സമര്‍പ്പിക്കാന്‍ ജില്ലാ വനിതാ പ്രൊട്ടക്ഷന്‍ ഓഫീസര്‍ക്കും കമ്മിഷന്‍ നിര്‍ദേശം നല്‍കി. യുവതി മാനസികമായി തകര്‍ന്നിരിക്കുന്ന സാഹചര്യത്തില്‍ ആവശ്യമെങ്കില്‍ തത്കാലത്തേക്ക് താമസസൗകര്യമൊരുക്കാനും ചെയര്‍പേഴ്‌സണ്‍ പ്രൊട്ടക്ഷന്‍ ഓഫീസര്‍ക്ക് നിര്‍ദേശം നല്‍കി.

Eng­lish sum­ma­ry: Wom­en’s Com­mis­sion reg­is­tered case
You may also like this video: