17 February 2025, Monday
KSFE Galaxy Chits Banner 2

Related news

February 17, 2025
February 17, 2025
February 17, 2025
February 17, 2025
February 17, 2025
February 17, 2025
February 17, 2025
February 16, 2025
February 16, 2025
February 16, 2025

നിയമരംഗത്ത് സ്ത്രീകളുടെ പ്രാതിനിധ്യം കുറവ് : ചീഫ് ജസ്റ്റിസ് എൻ വി രമണ

Janayugom Webdesk
ന്യൂഡൽഹി
December 15, 2021 9:37 pm

നിയമരംഗത്ത് സ്ത്രീകളുടെ പ്രാതിനിധ്യം വളരെ കുറവാണെന്ന് സുപ്രീം കോടതി ചീഫ് ജസ്റ്റിസ് (സിജെഐ) എൻ വി രമണ. ജുഡീഷ്യറിയില്‍ 50 ശതമാനത്തിലധികം സ്ത്രീകളുടെ പ്രാതിനിധ്യം വേണമെന്ന ആവശ്യം താൻ ഏറ്റെടുക്കുമെന്നും എൻ വി രമണ പറഞ്ഞു. സുപ്രീം കോടതി ജസ്റ്റിസായി നിയമിച്ച ഹിമ കോലിയെ അനുമോദിക്കുന്ന ചടങ്ങിലാണ് എൻ വി രമണയുടെ പ്രതികരണം. കീഴ്‌ക്കോടതിയിൽ 30 ശതമാനം മാത്രമാണ് വനിതാ ജഡ്ജിമാരുടെ പ്രാതിനിധ്യമെന്നും അദ്ദേഹം പറഞ്ഞു. ചില സംസ്ഥാനങ്ങളിൽ മികച്ച വനിതാ ജഡ്ജിമാരുണ്ട്, എന്നാൽ മറ്റ് ചില സംസ്ഥാനങ്ങളിൽ പ്രാതിനിധ്യം വളരെ കുറവാണ്. ഹൈക്കോടതികളിൽ, വനിതാ ജഡ്ജിമാർ വെറും 11.5 ശതമാനമാണ്, അതേസമയം സുപ്രീം കോടതിയിൽ 33 വനിതാ ജഡ്ജിമാരിൽ നാല് സിറ്റിങ് വനിതാ ജഡ്ജിമാരുണ്ട് ‚എൻ വി രമണ പറഞ്ഞു. 

രാജ്യത്തെ വനിതാ അഭിഭാഷകരുടെ എണ്ണവും മെച്ചമല്ല. രജിസ്റ്റർ ചെയ്ത 1.7 ദശലക്ഷം അഭിഭാഷകരിൽ 15 ശതമാനം മാത്രമാണ് സ്ത്രീകൾ. നീതിന്യായ രംഗത്തേക്ക് സ്ത്രീകൾ കടന്നെത്തുന്നത് പ്രോത്സാഹിപ്പിക്കുന്നതിന്, സ്കൂൾ കഴിഞ്ഞ് നിയമപഠനം തിരഞ്ഞെടുക്കുന്ന പെൺകുട്ടികളുടെ എണ്ണം വർധിപ്പിക്കാൻ ശ്രദ്ധ കേന്ദ്രീകരിക്കണമെന്ന് അദ്ദേഹം പറഞ്ഞു. അതുകൊണ്ടാണ് രാജ്യത്തുടനീളമുള്ള ലോ കോളജുകളിൽ പ്രവേശനത്തിന് പെൺകുട്ടികൾക്ക് സംവരണം എന്ന ഏകീകൃത നയത്തിന് താൻ ശുപാർശ ചെയ്തതെന്നും അദ്ദേഹം പറഞ്ഞു. 

സഹപ്രവർത്തകരിൽ നിന്നും മറ്റും സ്ത്രീകൾ നേരിടുന്ന പക്ഷപാതപരമായ പെരുമാറ്റമാണ് മറ്റൊരു പ്രശ്‌നമെന്നും ചീഫ് ജസ്റ്റിസ് പറഞ്ഞു. ഈ പക്ഷപാതം വനിതാ അഭിഭാഷകരെ മാത്രമല്ല, ബെഞ്ചിലുള്ളവരെയും ബാധിക്കും. മാതൃഭാഷയിൽ സംസാരിക്കാൻ കുട്ടികളെ പ്രോത്സാഹിപ്പിക്കണമെന്നും ചീഫ് ജസ്റ്റിസ് സ്ത്രീകളോട് അഭ്യർത്ഥിച്ചു. സുപ്രീം കോടതി ജസ്റ്റിസ് ഇന്ദിര ബാനർജി, ഡൽഹി ഹൈക്കോടതി ജഡ്ജിമാരായ ജസ്റ്റിസ് രേഖ പള്ളി, ജസ്റ്റിസ് പ്രതിഭാ സിങ് എന്നിവർ ചടങ്ങിൽ പങ്കെടുത്തു.

ENGLISH SUMMARY:Women under-rep­re­sent­ed in law: Chief Jus­tice NV Ramana
You may also like this video

Kerala State AIDS Control Society
Kerala State - Students Savings Scheme

TOP NEWS

February 17, 2025
February 17, 2025
February 17, 2025
February 17, 2025
February 17, 2025
February 17, 2025

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.