ലോക വനിതാദിനാഘോഷത്തിന്റെ ഭാഗമായി സംസ്ഥാനത്തെ 125 പൊലീസ് സ്റ്റേഷനുകളിൽ ഇന്ന് വനിതാ പൊലീസ് ഉദ്യോഗസ്ഥർ സ്റ്റേഷൻ ഹൗസ് ഓഫീസറുടെ ചുമതല നിർവഹിച്ചു. ജിഡി ചാർജിന്റെ ചുമതല ഉൾപ്പടെ എല്ലാ ദൈനംദിന ജോലികളും നിർവഹിച്ചത് വനിതാ പൊലീസ് ഉദ്യോഗസ്ഥർ ആയിരുന്നു. സ്റ്റേഷനിൽ എത്തിയ പരാതിക്കാരെ സ്വീകരിച്ചും അവരുടെ പരാതികൾ ചോദിച്ചറിഞ്ഞും അതിൽ മേൽ വേണ്ട നടപടികൾ ഉൾപ്പടെ എല്ലാം വനിതാ ഉദ്യോഗസ്ഥരുടെ കൈകളിലായിരുന്നു. ഇത് കൂടാതെ മുഖ്യമന്ത്രിയുടെ സുരക്ഷാ വ്യൂഹത്തിലും വനിതാ പൊലീസ് കമാൻഡോകളായിരുന്നു.

തിരുവനന്തപുരം ജില്ലയിലെ 19 പൊലീസ് സ്റ്റേഷനുകളിലും വനിതകളാണ് സ്റ്റേഷൻ ഹൗസ് ഓഫീസർമാരുടെ ചുമതല വഹിച്ചത്. മുഖ്യമന്ത്രിയുടെ ഓഫീസിനും സുരക്ഷാ ഒരുക്കിയത് വനിതാ ഗാർഡായിരുന്നു. തിരുവനന്തപുരം കൂടാതെ തൃശൂർ, കോഴിക്കോട്, എറണാകുളം തുടങ്ങിയ സംസ്ഥാനങ്ങളിലും വനിതാ ഉദ്യോഗസ്ഥർക്കായിരുന്നു സ്റ്റേഷൻ ഹൗസിന്റെ ചുമതല.വനിതാ സബ് ഇൻസ്‌പെക്ടർമാർ ഒന്നിലധികമുള്ള സ്റ്റേഷനുകളിൽ അവരുടെ സേവനം മറ്റു സ്റ്റേഷനുകളിലേയ്ക്ക് ലഭ്യമാക്കിയിരുന്നു.വനിതാ ഓഫീസർമാർ ലഭ്യമല്ലതെയിരുന്ന സ്ഥലങ്ങളിൽ വനിതകളായ സീനിയർ സിവിൽ പൊലീസ് ഓഫീസർമാരും സിവിൽ പൊലീസ് ഓഫീസർമാരുമാണ് ആ ചുമതല നിർവഹിച്ചത്.

ENGLISH SUMMARY: Women’s day women police officers take over the charge