Janayugom Online
ബിപിസിഎല്‍ന്റെ സഹായത്തോടെ ഇതരഭാഷകള്‍ മാതൃഭാഷയായ എറണാകുളം ജില്ലയിലെ വിദ്യാര്‍ത്ഥികള്‍ക്ക് 3 ലക്ഷം രൂപയുടെ പുസ്തകങ്ങള്‍ നല്‍കുന്ന കൃതിയുടെ പദ്ധതി പെരുമ്പാവൂരില്‍ നിന്നെത്തിയ ഇതരഭാഷകള്‍ മാതൃഭാഷയായ ഒരു കൂട്ടം വിദ്യാര്‍ത്ഥികള്‍ക്ക് പുസ്തകങ്ങള്‍ സമ്മാനിച്ച് പൊതുവിദ്യാഭ്യാസ സെക്രട്ടറി എ ഷാജഹാന്‍ ഉദ്ഘാടനം ചെയ്യുന്നു

ഇതരഭാഷകള്‍ മാതൃഭാഷയായ വിദ്യാര്‍ത്ഥികള്‍ക്ക് പുസ്തകങ്ങള്‍ നല്‍കാന്‍ കൃതി

Web Desk

കൊച്ചി

Posted on February 18, 2020, 7:12 pm

ഒരു കുട്ടിക്ക് ഒരു പുസ്തകം പദ്ധതിയിലൂടെ കേരളത്തിലെ വിവിധ ഭാഗങ്ങളില്‍ നിന്നെത്തിയ 60,000‑ത്തോളം കുട്ടികള്‍ക്ക് നല്‍കിയ 1 കോടി 50 ലക്ഷം രൂപയുടെ പൂസ്തകങ്ങള്‍ക്കു പുറമെ ഇതരഭാഷകള്‍ മാതൃഭാഷയായ എറണാകുളം ജില്ലയിലെ വിദ്യാര്‍ത്ഥികള്‍ക്ക് 3 ലക്ഷം രൂപയുടെ പുസ്തകങ്ങള്‍ നല്‍കാന്‍ കൃതി.

ഇവര്‍ക്കായി സംസ്ഥാന സര്‍ക്കാര്‍ നടപ്പാക്കുന്ന രോഷ്നി പദ്ധതിയുടെ ജില്ലയിലെ ഗുണഭോക്താക്കളായ 1200-ഓളം കുട്ടികള്‍ക്കാണ് ബിപിസിഎല്‍ന്റെ സഹായത്തോടെ പുസ്തകങ്ങള്‍ നല്‍കുകയെന്ന് എസ്പിസിഎസ് അധികൃതര്‍ അറിയിച്ചു.

ഇതിനായി ബംഗാളി, അസമിയ, ഒഡിയ തുടങ്ങിയ ഭാഷകളിലുള്ള പുസ്തകങ്ങള്‍ ഈ മാസം അവസാനത്തോടെ കൃതിയുടെ സംഘാടകരായ എസ്പിസിഎസ് എത്തിച്ചു നല്‍കും. പെരുമ്പാവൂരില്‍ നിന്നെത്തിയ ഇതരഭാഷകള്‍ മാതൃഭാഷയായ ഒരു കൂട്ടം വിദ്യാര്‍ത്ഥികള്‍ക്ക് പുസ്തകങ്ങള്‍ സമ്മാനിച്ച് പൊതുവിദ്യാഭ്യാസ സെക്രട്ടറി എ ഷാജഹാന്‍  പദ്ധതി ഉദ്ഘാടനം ചെയ്തു.
you may also like this video;