Web Desk

ന്യൂഡല്‍ഹി

June 09, 2021, 10:18 pm

വളര്‍ച്ചാ അനുമാനം വെട്ടിക്കുറച്ച് ലോകബാങ്ക്

ജി ഡി പി വളർച്ച 8.3 ശതമാനം
Janayugom Online

ഇന്ത്യയുടെ മൊത്ത ആഭ്യന്തര ഉല്പാദന വളര്‍ച്ചാ പ്രവചനം വെട്ടിച്ചുരുക്കി ലോകബാങ്ക്. നടപ്പുസാമ്പത്തിക വര്‍ഷത്തെ ജിഡിപി വളര്‍ച്ച 8.3 ശതമാനമായി കുറയുമെന്ന് ലോകബാങ്ക് വിലയിരുത്തുന്നു. നേരത്തെ 10.1 ശതമാനമായിരുന്നു പ്രവചിച്ചിരുന്നത്.
കോവിഡിന്റെ രണ്ടാംതരംഗം രാജ്യത്ത് പ്രതീക്ഷിച്ചതിലും കൂടുതല്‍ പ്രതിസന്ധി സൃഷ്ടിക്കുകയാണെന്ന് ലോകബാങ്ക് പുറത്തിറക്കിയ ഗ്ലോബല്‍ ഇക്കണോമിക് പ്രോസ്പെക്ടസില്‍ പറയുന്നു. 2019 ല്‍ നാല് ശതമാനമായിരുന്ന വളര്‍ച്ചാ നിരക്ക് 2020 ല്‍ അത് 7.3 ശതമാനമായി. 

2023 ല്‍ 6.5 ശതമാനം വളര്‍ച്ചാനിരക്കും ലോകബാങ്ക് പ്രവചിക്കുന്നു. 7.5 ശതമാനം വളര്‍ച്ചാനിരക്ക് മാത്രമാണ് നടപ്പ് സാമ്പത്തിക വര്‍ഷം രാജ്യത്ത് പ്രതീക്ഷിച്ചതെങ്കിലും അടിസ്ഥാന സൗകര്യ വികസനം, ഗ്രാമീണ വികസനം, ആരോഗ്യ മേഖലയുടെ പുരോഗതി, സര്‍ക്കാരില്‍ നിന്നുള്ള നയപിന്തുണ തുടങ്ങിയവ കോവിഡ് ആഘാതത്തില്‍ നിന്നുള്ള തിരിച്ചുവരവ് കുറച്ചു വേഗത്തിലാക്കുമെന്നും ലോകബാങ്ക് വിലയിരുത്തി. അതേസമയം ആഗോള സാമ്പത്തിക വളര്‍ച്ച 5.6 ശതമാനമാണ് പ്രവചിക്കുന്നത്. ജനുവരിയില്‍ പ്രവചിക്കപ്പെട്ട 4.1 ശതമാനത്തേക്കാള്‍ അധികമാണിത്.
eng­lish summary;World Bank esti­mates that GDP growth will slow to 8.3 percent
you may also like this video;