December 5, 2022 Monday

Related news

November 28, 2022
November 16, 2022
November 4, 2022
October 30, 2022
October 27, 2022
October 20, 2022
October 20, 2022
October 20, 2022
October 16, 2022
October 12, 2022

ആഗോള മഹാമാരി:പ്രഖ്യാപിച്ചത് ലോകാരോഗ്യ സംഘടന

Janayugom Webdesk
ജനീവ
March 11, 2020 11:07 pm

ഇന്ത്യ ഉൾപ്പടെ 114 രാജ്യങ്ങളിൽ പടർന്ന് പിടിക്കുന്ന കൊറോണ വൈറസ് രോഗത്തെ ആഗോള മഹാമാരിയായി പ്രഖ്യാപിച്ചു. ഇന്നലെ ഏറെ വൈകിയാണ് ലോകാരോഗ്യ സംഘടന കൊറോണയെ മഹാമാരി(പാൻഡമിക്) ആയി പ്രഖ്യാപിച്ചത്. നൂറിലധികം ലോകരാജ്യങ്ങളിൽ പടർന്ന് പിടിക്കുന്ന വ്യാധികളെയാണ് മഹാമാരി വിഭാഗത്തിൽ ലോകാരോഗ്യ സംഘടന ഉൾപ്പെടുത്തുന്നത്. നിലവിൽ ആറ് ഭൂഖണ്ഡങ്ങളിലായി 1,20,000 ജനങ്ങളെയാണ് രോഗം ബാധിച്ചത്. 4,300 ലധികം പേർ കൊറോണ വൈറസ് ബാധിച്ച് മരിച്ചു. അപ്രതീക്ഷിതമായി ലോകരാജ്യങ്ങളെ ബാധിക്കുന്ന രോഗത്തെയാണ് മഹാമാരി വിഭാഗത്തിൽ ഉൾപ്പെടുത്തുന്നത്.

കഴിഞ്ഞ രണ്ടാഴ്ചക്കിടെ ചൈനയ്ക്ക് പുറത്തുള്ള രാജ്യങ്ങളിൽ കൊറോണ ബാധിതരുടെ എണ്ണത്തിൽ 13 ഇരട്ടി വർധനയുണ്ടായി. രാജ്യങ്ങളുടെ എണ്ണത്തിൽ മൂന്ന് മടങ്ങാണ് വർധനയെന്ന് ലോകാരോഗ്യ സംഘടനയുടെ ഡയറക്ടർ ജനറൽ ടെഡ്രോസ് അഥാനം ഗബ്രേയേസിസ് പറഞ്ഞു. വരാനിരിക്കുന്ന ദിവസങ്ങളിലും ആഴ്ചകളിലും രോഗബാധിതരുടെയും രാജ്യങ്ങളുടേയും എണ്ണത്തിൽ വർധനയുണ്ടാകാൻ സാധ്യതയുണ്ടെന്നും അദ്ദേഹം പറഞ്ഞു. കൊറോണ ബാധയെ ആഗോള മഹാമാരിയായി പ്രഖ്യാപിക്കണമെന്ന് യുഎസ് ഡോക്ടറായ ജെറോം ആഡംസ് കഴിഞ്ഞ ദിവസം ആവശ്യപ്പെട്ടിരുന്നു. ഇന്നലെയും ഇറ്റലി ഉൾപ്പടെയുള്ള രാജ്യങ്ങളിൽ കൂടുതൽ പേർക്ക് രോഗം സ്ഥീരീകരിച്ചതാണ് ആഗോള മഹാമാരിയായി പ്രഖ്യാപിക്കാനുള്ള കാരണം.

Eng­lish Sum­ma­ry: World health orga­ni­za­tion about corona

You may also like this video

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.