Web Desk

February 02, 2021, 10:58 am

സര്‍ക്കാര്‍ സംവിധാനത്തിലെ അഴിമതികള്‍ നിങ്ങള്‍ക്ക് ഇനി പരാതിപ്പെടാം

Janayugom Online

സർക്കാർ സംവിധാനത്തിൽ അഴിമതിയോ മറ്റ് തെറ്റുകളോ ഉണ്ടായാൽ, അതേക്കുറിച്ചു നിങ്ങൾക്ക് ഇനി മുതൽ നേരിട്ട് പരാതിപ്പെടാം.അതിനായി ‘2021‑ലെ പത്തിന കർമ്മപരിപാടികളുടെ’ ഭാഗമായി സർക്കാർ സംവിധാനങ്ങളിൽ ‘ഉത്തരവാദിത്വം ഉറപ്പ് വരുത്തുന്നതിനും അഴിമതിയെ തുരുത്തുന്നതിനും ’ ജനങ്ങളുമായി സഹകരിച്ചു ഒരു പദ്ധതി ആരംഭിക്കുകയാണ്. 

പൊതുജനങ്ങൾക്ക് തെളിവുകളടക്കം സമർപ്പിക്കാവുന്ന ഒരു വെബ്സൈറ്റ് ഒരുങ്ങുകയാണ്. ഇതുവഴി ഫോൺ സന്ദേശങ്ങൾ, സ്ക്രീൻഷോട്സ് , എസ്എംഎസ്, ഓഡിയോ റെക്കോർഡിങ് തുടങ്ങിയ തെളിവുകൾ സമർപ്പിക്കാം.ജനങ്ങളുടെ ഫലപ്രദമായ പങ്കാളിത്തം അഴിമതിയും കെടുകാര്യസ്ഥതയും പൂർണ്ണമായി തുടച്ചു നീക്കാനും സർക്കാർ സംവിധാനങ്ങളുട കാര്യക്ഷമത വർധിപ്പിക്കാനും സഹായകമാകുമെന്നത് സുനിശ്ചിതമാണ്. 

പൊതു പങ്കാളിത്തത്തോടു കൂടി നടത്തുന്നതായതിനാൽ ഈ പദ്ധതിയുടെ പേര് നിങ്ങൾ തന്നെ നിർദ്ദേശിക്കണമെന്നാണ് സർക്കാർ ആഗ്രഹിക്കുന്നത്. നിങ്ങൾ കണ്ടെത്തുന്ന പേരുകൾ [email protected] എന്ന മെയിൽ അഡ്രസ്സിലേക്ക് എത്രയും പെട്ടെന്ന് തന്നെ അയക്കണമെന്ന് അഭ്യർത്ഥിക്കുന്നു. തെരഞ്ഞെടുക്കപ്പെടുന്ന പേര് നിർദ്ദേശിക്കുന്നവർക്ക് പുരസ്കാരം സമ്മാനിക്കുന്നതായിരിക്കും.
eng­lish sum­ma­ry ; You can now com­plain about cor­rup­tion in the gov­ern­ment system
you may also like this video;