Web Desk

December 15, 2019, 6:15 pm

 വയനാട് സ്വദേശിയായ യുവഡോക്ടർ  ചൈനയിൽ വാഹനാപകടത്തിൽ മരിച്ചു

Janayugom Online
 മാനന്തവാടി: വയനാട്  വെള്ളമുണ്ട സ്വദേശിയായ യുവ ഡോക്ടർ ചൈനയിൽ വാഹനാപകടത്തിൽ പെട്ട് ചികിത്സയിലിരിക്കെ മരിച്ചു.. വെള്ളമുണ്ട കുറ്റി പ്രവൻ മൊയ്തു – ഷാഹിദ ദമ്പതികളുടെ മകൻ ഡോ: മുഹമ്മദ് ഷഫീഖ് (23) ആണ് മരിച്ചത്.
പന്ത്രണ്ട് ദിവസം  മുമ്പ് ചൈനയിൽ വെച്ച് കാറും ബൈക്കും കൂട്ടിയിടിച്ച്  പരിക്കേറ്റ് ചികിത്സയിലായിരുന്നു. ശനിയാഴ്ച രാത്രിയാണ് മരണം സംഭവിച്ചത്.
മൃതദേഹം നാട്ടിലെത്തിക്കാനുള്ള ശ്രമങ്ങൾ നടത്തി വരുന്നുണ്ട്.  എം.ബി.ബി.എസ്.  പഠനം കഴിഞ് അവിടെ പ്രാക്ടീസ് ചെയ്ത് വരികയായിരുന്നു. മൂന്ന് മാസത്തിന് ശേഷം നാട്ടിലേക്ക് മടങ്ങാനിരിക്കെയാണ് അപകടം നടന്നത്. സഹോദരങ്ങൾ: ഷൗനിദ്, റെയ്ബാസ്, ഉവൈസ്.