തണുപ്പ് സഹിക്കാൻ ആയില്ല; മുന്നിൽ കണ്ട പത്ത് സെന്റ് റബർ തോട്ടത്തിന് തീയിട്ട് യുവാവ്

തണുപ്പകറ്റാന്‍ കുറച്ച് വിറക് കഷ്ണവും മറ്റും കൂട്ടിയിട്ട് തീയിടുന്നത് സ്വഭാവികം. എന്നാൽ പത്ത് സെന്റോളം വരുന്ന റബര്‍ തോട്ടം തീയിട്ടാലോ? ബംഗാള്‍ സ്വദേശിയായ സഞ്ജയ് എന്ന ഇതര സംസ്ഥാന തൊഴിലാളിയാണ് തണുപ്പ് അകറ്റാൻ വേണ്ടി കുഴിവേലില്‍ പോളച്ചന്റെ റബര്‍ തോട്ടത്തിന് തീയിട്ടത്. തീ ആളിപ്പടരുന്നത് കണ്ട നാട്ടുകാർ മുട്ടുചിറയിലെ അഗ്‌നിശമന സേന അധികൃതരെ വിവരം അറിയിക്കുകയും തുടർന്ന് സേനയെത്തി തീയണയ്ക്കുകയും ആയിരുന്നു. തീ അണച്ചത് ഇഷ്ട്ടപ്പെടാതിരുന്ന ഇയാള്‍ വീണ്ടും തോട്ടത്തിന് തീയിടാന്‍ ശ്രമിച്ചതോടെ ഇയാളെ പൊലീസ് പിടികൂടുകയായിരുന്നു. പൊലീസിന്റെ ചോദ്യം ചെയ്യലിലാണ് തണുപ്പകറ്റാൻ വേണ്ടിയാണ് തോട്ടത്തിന് തീയിട്ടതെന്ന് സഞ്ജയ് പറഞ്ഞത്. അഗ്‌നിശമന സേനയുടെ സമയോചിതമായ ഇടപെടൽ മൂലം തീ ആളിപ്പടരുന്നത് തടയാനായി.

Eng­lish Sum­ma­ry: Young man set fire to rub­ber plan­ta­tion.

you may also like this video;