നൻപൻ ഡാ! ഒറ്റയ്ക്കിരുന്നു ബോറടിച്ചു; കൂട്ടുകാരനെ ട്രോളി ബാഗിലാക്കിയ പതിനേഴുകാരൻ പുലിവാലു പിടിച്ചു

ലോക്ക് ഡൗണില്‍ ഒറ്റയ്ക്കിരുന്നു മടുത്ത പതിനേഴുകാരൻ കൂട്ടുകാരനെ ട്രോളി ബാഗിലാക്കി കൊണ്ടു വരുന്നതിനിടെ പൊലീസ് പിടിയിലായി. മം​ഗ​ളൂ​രു​വി​ലെ ബ​ല്‍​മ​ട്ട ആ​ര്യ​സ​മാ​ജം റോ​ഡി​ലെ ഫ്ലാ​റ്റി​ലാ​ണ് സംഭവം.

ലോക്ഡൗണ്‍ നിയന്ത്രണ പ്രകാരം അവശ്യ സാധനങ്ങള്‍ വാങ്ങുവാനല്ലാതെ ആരും പുറത്തിറങ്ങരുതെന്നും ഒരാളെയല്ലാതെ പു​റ​ത്തു ​നി​ന്ന് ആ​ര്‍​ക്കും പ്ര​വേ​ശനമില്ലെന്നും വന്നതോടെയാണ് കൂട്ടുകാരനെ ട്രോളിയിലാക്കി കൊണ്ടു വരാൻ ശ്രമിച്ചത്. അവശ്യ പാ​ണ്ഡേ​ശ്വ​ര​ത്തു​ള്ള കൂ​ട്ടു​കാ​ര​നെ വ​ലി​യ ട്രോ​ളി ബാ​ഗി​ലാ​ക്കി 17കാ​ര​ന്‍ ഫ്ലാ​റ്റി​ലെ സെക്യൂരിറ്റിയുടെ മുന്നിലൂടെ ബാഗും വലിച്ച്‌ അകത്തു ലി​ഫി​റ്റിന്റെ അടുത്തെത്തി.

ലിഫ്റ്റും കാത്തു നില്‍ക്കുമ്പോഴാണ് ബാഗ് തനിയെ അനങ്ങുന്നത് അടുത്ത് നിന്നിരുന്ന ആളുടെ ശ്രദ്ധയില്‍ പെടുന്നത്. ഇതോടെ സംശയം തോന്നിയ താമസക്കാരും സെക്യൂരിറ്റിയും ചേര്‍ന്നു ബാഗ് തുറന്നു നോക്കിയപ്പോഴാണ് ബാഗിനകത്ത് ചുരിണ്ടിരിക്കുന്ന ആളെ കണ്ടത്. ഇ​രു​വ​രേ​യും പൊലീസ് സ്റ്റേഷനിലെത്തിച്ച് താക്കീത് നല്‍കുകയും ലോക്ക് ഡൗണ്‍ ലംഘിച്ചതിന് കേസെടുക്കുകയും ചെയ്തിട്ടുണ്ട്.

you may also like this video;