June 25, 2022 Saturday

Latest News

June 25, 2022
June 25, 2022
June 25, 2022
June 25, 2022
June 25, 2022
June 25, 2022
June 25, 2022
June 25, 2022
June 25, 2022
June 25, 2022

തൃശൂരില്‍ കോടികളുടെ മയക്കുമരുന്ന് വേട്ട: മൂന്ന് പേര്‍ അറസ്റ്റില്‍

By Janayugom Webdesk
March 7, 2020

നഗരത്തില്‍ കോടികള്‍ വിലമതിക്കുന്ന മയക്കുമരുന്ന് വേട്ട. വിവിധ സ്ഥലങ്ങളില്‍ നിന്നായാണ് ഒരു ലിറ്റര്‍ ഹാഷിഷ് ഓയിലും എട്ട് കിലോഗ്രാം കഞ്ചാവും കണ്ടെടുത്തത്. നിരവധി ക്രിമിനല്‍ കേസുകളിലും മയക്കുമരുന്നു കേസുകളിലും പ്രതികളായ മൂന്ന് യുവാക്കളെ തൃശൂര്‍ സിറ്റി പൊലീസ് കമ്മീഷണര്‍ ആദിത്യയുടെ നേതൃത്വത്തില്‍ സിറ്റി ഷാഡോ പൊലീസും, വെസ്റ്റ് പൊലീസും, ഒല്ലൂര്‍ പൊലീസും ചേര്‍ന്ന് അറസ്റ്റ് ചെയ്തു. മുളങ്കുന്നത്തുകാവ് വരടാട്ടുവളപ്പില്‍ വീട്ടില്‍ സഞ്ജുണ്ണി എന്ന സഞ്ജു (26 ), പൂങ്കുന്നം കോട്ടാരപാട്ടില്‍ വീട്ടില്‍ അപ്പു എന്ന ഗോകുല്‍ (26), ഒല്ലൂര്‍ പി ആര്‍ പടി ഡിക്രൂസ് വീട്ടില്‍ ബിജോസ്ഫ്യല്‍ (26 ) എന്നിവരാണ് പിടിയിലായത്.

സിറ്റി പോലീസ് കമ്മീഷണര്‍ ആദിത്യന് ലഭിച്ച രഹസ്യവിവരത്തെ തുടര്‍ന്നുള്ള നിരീക്ഷണമാണ് പ്രതികളെ വീഴ്ത്തിയത്. അന്വേഷണത്തില്‍ നിരവധി ക്രിമിനല്‍ കേസുകളിലും മയക്കുമരുന്നു കേസുകളിലും പ്രതികളായ രണ്ട് യുവാക്കള്‍ ചേര്‍ന്ന് മൊബൈല്‍ കട നടത്തുന്നുണ്ടെന്ന വിവരം ലഭിച്ചു. ഇവരെ കേന്ദ്രീകരിച്ച് നടത്തിയ അന്വേഷണത്തില്‍ അന്യസംസ്ഥാനങ്ങളില്‍ നിന്ന് വന്‍തോതില്‍ മയക്കുമരുന്ന് കടത്തി മൊത്ത വിതരണം നടത്തുന്നുണ്ടെന്നും, ഹാഷിഷ് ഓയിലും കഞ്ചാവും വിവിധ സ്ഥലങ്ങളില്‍ ഒളിപ്പിച്ചുവെക്കുകയാണ് പതിവെന്നും മനസ്സിലാക്കി.

ഗോകുല്‍ പൂങ്കുന്നത്ത് വാടക്കു താമസിക്കുന്ന വീട്ടിലും വീടിന്റെ പരിസരത്തുമായി ഹാഷിഷും, കഞ്ചാവും രഹസ്യമായി സൂക്ഷിച്ചിട്ടുണ്ടെന്ന വിവരവും ലഭിച്ചു. വീട്ടില്‍ നടത്തിയ പരിശോധനയില്‍ കോടികള്‍ വിലമതിക്കുന്ന ഒരു ലിറ്റര്‍ ഹാഷിഷ് ഓയിലും കഞ്ചാവും കണ്ടെടുത്തു.എഎസ്പി അജിത്ത്കുമാര്‍, സിറ്റി സി ബ്രാഞ്ച് അസിസ്റ്റന്റ് കമ്മീഷണര്‍ ഡി ശ്രീനിവാസന്‍, സിറ്റി അസിസ്റ്റന്റ് കമ്മീഷണര്‍ വി കെ രാജു, വെസ്റ്റ് സര്‍ക്കിള്‍ ഇന്‍സ്‌പെകടര്‍ സലീഷ്, വെസ്റ്റ് എസ്‌ഐ മാരായ കെ സി ബൈജു, ജോണ്‍സണ്‍ സി വി, ഒല്ലൂര്‍ പോലീസ് ഇന്‍സ്‌പെക്ടര്‍ ബെന്നി ജേക്കബ് തുടങ്ങിയവരുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.

Eng­lish Sum­ma­ry: Youth arrest­ed with drugs

ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.

Comments are closed.