മാനന്തവാടി: തോൽപ്പെട്ടി എക്സൈസ് ചെക്ക് പോസ്റ്റിൽ  വച്ച് എക്സൈസ് സംഘം നടത്തിയ വാഹന പരിശോധനയിൽ മാരക മയക്കുമരുന്നായ എം.ഡി.എം എ യും ഹാഷിഷ് ഓയിലുമായി യുവാവ് പിടിയിലായി. കണ്ണൂർ കൂത്തുപറമ്പ് നഫീസ മൻസിൽ എ.ടി അഷ്കർ (26) ആണ് മാനന്തവാടി എക്സൈസ് ഇൻസ്പെക്ടർ ടി ഷറഫുദ്ദീന്റെയും സംഘത്തിന്റേയും പിടിയിലായത്. ഇയാളുടെ പക്കൽ നിന്നും 4.3 ഗ്രാം എം.ഡി.എം എ  യും 5.19 ഗ്രാം ഹാഷിഷ് ഓയിലും കണ്ടെത്തി.

അതീവ മാരകമായ പാർട്ടി ഡ്രഗ് എന്നറിയപ്പെടുന്ന എം.ഡി.എം എ 0.5 ഗ്രാം കൈവശം വച്ചാൽ പോലും 10 വർഷം ശിക്ഷ കിട്ടാവുന്ന കുറ്റമാണ്. എക്സൈസ് പ്രിവൻ്റീവ് ഓഫീസർ ബാബു മൃദുൽ, സിവിൽ എക്സൈസ് ഓഫീസർമാരായ ജിനോഷ് പി.ആർ,അനൂപ്.ഇ, ഷാഫി. ഒ, അനിൽ. എ എന്നിവരും സംഘത്തിലുണ്ടായിരുന്നു. അറസ്റ്റ് ചെയ്ത പ്രതിയെ വൈകുന്നേരത്തോടെ മാനന്തവാടി കോടതി മുമ്പാകെ ഹാജറാക്കും.