യുവകലാസാഹിതി ദുബായ് യൂണിറ്റിന്റെ ആഭിമുഖ്യത്തിൽ രക്തദാന ക്യാമ്പ് സംഘടിപ്പിച്ചു. ദുബായ് ഹെൽത്തിൻ്റെ ബ്ലഡ് ഡൊണേഷൻ സെൻ്ററിൽ നടന്ന ക്യാമ്പിൽ 120-ഓളം പേർ രക്തദാനം നിർവഹിച്ചു. ആരോഗ്യ മേഖലയിലടക്കം പ്രവാസി സമൂഹനന്മയ്ക്കുതകുന്ന പ്രവർത്തനങ്ങളുടെ ഭാഗമായാണ് ക്യാമ്പ് സംഘടിപ്പിച്ചതെന്ന് യുവകലാസാഹിതി യു എ ഇ രക്ഷാധികാരി പ്രശാന്ത് ആലപ്പുഴ, പ്രസിഡന്റ് സുഭാഷ് ദാസ്, സെക്രട്ടറി ബിജു ശങ്കർ എന്നിവർ പറഞ്ഞു.
ദുബായ് യൂണിറ്റ് എക്സിക്യൂട്ടിവ് അംഗങ്ങളുടെ പൂർണ്ണമായ സഹകരണത്തോടെ പ്രസിഡന്റ് ജോൺ ബിനോ കാർലോസ്, സെക്രട്ടറി സർഗ്ഗ റോയ്, ട്രഷറർ അക്ഷയ സന്തോഷ്‌ എന്നിവർ ക്യാമ്പിനു നേതൃത്വം നൽകി. രക്തദാനം നിർവഹിച്ച എല്ലാവർക്കും സർട്ടിഫിക്കറ്റുകൾ വിതരണം ചെയ്തു. ദുബായ് യുവകലാ സാഹിതി തുടർച്ചയായ അഞ്ചാം വർഷമാണ് ക്യാമ്പ് സംഘടിപ്പിക്കുന്നതെന്നു ഭാരവാഹികൾ അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങള്‍ ജനയുഗം പബ്ലിക്കേഷന്റേതല്ല. അഭിപ്രായങ്ങളുടെ പൂര്‍ണ ഉത്തരവാദിത്തം പോസ്റ്റ് ചെയ്ത വ്യക്തിക്കായിരിക്കും. കേന്ദ്ര സര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്‌ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് ഐടി നയപ്രകാരം നിയമനടപടി കൈക്കൊള്ളുന്നതാണ്.