Web Desk

അബുദാബി

July 07, 2021, 9:46 am

യുവകലാസാഹിതി യുഎഇയുടെ കലോത്സവം ജൂലൈ 29 ന് ഷാർജയിൽ തുടക്കം കുറിക്കും

Janayugom Online

കഴിഞ്ഞ ഒന്നര വർഷത്തിലതികമായി അടച്ചിട്ട മുറികൾക്കുള്ളിൽ മാത്രം തളച്ചിടപ്പെട്ട യു എ ഇ യിലെ കുട്ടികളെ കലകളുടേയും പാട്ടുകളുടേയും കളികളുടേയും ലോകത്തിലേയ്ക്ക് മടക്കി കൊണ്ടുവരുന്നതിനു വേണ്ടി യുവകലാസാഹിതി യു എ ഇ കമ്മിറ്റിയുടെ നേതൃത്വത്തിൽ സംഘടിപ്പിക്കുന്ന കലോത്സവം ജൂലൈ 29, 30, 31 തീയതികളിൽ ഷാർജയിൽ തുടക്കം കുറിയ്ക്കും. ആഗസ്റ്റ് 12, 13, 14 തീയതികളിൽ ദുബായിലും തുടർന്ന് അബുദാബി, റാസ് അൽ ഖൈമ, അജ്മാൻ, ഉം അൽ ഖുവൈൻ എന്നിവിടങ്ങളിലും മേഖലാതല മത്സരങ്ങൾ അരങ്ങേറും. മത്സരങ്ങളിൽ പങ്കെടുക്കൂ വാൻ ആഗ്രഹിക്കുന്ന ആറു വയസുമുതൽ പതിനേഴു വയസു വരെയുള്ള കുട്ടികൾക്ക് യുവകലാസാഹിതി യു എ ഇ യുടെ വെബ് സൈറ്റിൽ പേരുകൾ രജിസ്റ്റർ ചെയ്യാവുന്നതാണ്. ഓരോ കുട്ടിയും പഠിക്കുന്ന സ്കൂൾ സ്ഥിതി ചെയ്യുന്ന എമിറേറ്റിനെ പ്രതിനിധീകരിച്ചായിരിക്കും മേഖലാതല മത്സരത്തിൽ പങ്കെടുക്കേണ്ടത്.

മേഖലാതല മത്സരങ്ങളിൽ ഒന്നും രണ്ടും സ്ഥാനങ്ങൾ കരസ്ഥമാക്കുന്ന കുട്ടികൾക്കാണ് ആഗസ്റ്റ് 28,29, 30 തീയതികളിൽ നടക്കുന്ന യു എ ഇ തല മത്സരത്തിൽ പങ്കെടുക്കുവാനുള്ള അവസരം ലഭിക്കുന്നത്.
യു എ ഇ തല മത്സരത്തിൽ കലാതിലകവും കലാപ്രതിഭയുമുൾപ്പെടെ വിജയികളായി തിരഞ്ഞെടുക്കുന്ന കൂട്ടികൾക്ക് മൺമറഞ്ഞ കലാ- സാംസ്കാരിക നായകരുടെ പേരിലുള്ള ട്രോഫികളും സർട്ടിഫിക്കേറ്റുകളും നൽകും. ഓൺലൈനിൽ സംഘടിപ്പിക്കുന്ന മത്സരങ്ങളുടെ വിധികർത്താക്കളായി സംസ്ഥാന സ്കൂൾ കലോത്സവത്തിലുൾപ്പെടെ പ്രവർത്തിച്ചിട്ടുള്ളവരെയാണ് ഉൾപ്പെടുത്തായിരിക്കുന്നത്.

കലോത്സവത്തിന്റെ ലോഗോ പ്രകാശനം അബുദാബി കേരള സോഷ്യൽ സെന്റർ പ്രസിഡന്റ് വിപി കൃഷ്ണകുമാർ നിർവഹിച്ചു.

Eng­lish sum­ma­ry; yuvakalasahithy uae

you may also like this video;