ഏറെ കാലത്തെ കാത്തിരിപ്പിനൊടുവില്‍ ബോളിവുഡിലെ താരദമ്പതികളായ ദീപിക പദുകോണും രൺവീർ സിംഗിനും പെണ്‍കുഞ്ഞ് പിറന്നു. ഐഎഎൻഎസാണ് കുഞ്ഞ് പിറന്ന വിവരം റിപ്പോര്‍ട്ട് ചെയ്തത്. ദമ്പതികൾ ഇതുവരെ ഔദ്യോഗിക പ്രഖ്യാപനം നടത്തിയിട്ടില്ല. ശനിയാഴ്ച, മുംബൈയിലെ ഗിർഗാവ് ഏരിയയിലെ എച്ച്എൻ റിലയൻസ് ആശുപത്രിയില്‍ ദീപികയെ പ്രവേശിപ്പിച്ചിരുന്നു. പ്രസവത്തിന് മുന്നോടിയായി വെള്ളിയാഴ്ച താരവും കുടുംബവും മുംബൈയിലെ സിദ്ധിവിനായക ക്ഷേത്രത്തിൽ ദർശനം നടത്തിയിരുന്നു. ദീപികയും രൺവീറും തങ്ങള്‍ മാതാപിതാക്കളാകാന്‍ പോകുന്ന വിവരം ഫെബ്രുവരിയിലാണ് പ്രഖ്യാപിച്ചത്. ഏറെ നാളെത്തെ പ്രണയത്തിനൊടുവില്‍ 2018ൽ ഇറ്റലിയിലെ ലേക്ക് കോമോയിൽ അടുത്ത സുഹൃത്തുക്കളും കുടുംബാംഗങ്ങളും മാത്രം പങ്കെടുത്ത ചടങ്ങിലാണ് ഇരുവരും വിവാഹിതരായത്. പിന്നീട് ബെംഗളൂരുവിലും മുംബൈയിലും വമ്പൻ റിസപ്ഷനുകൾ സംഘടിപ്പിച്ചു.
താരദമ്പതികള്‍ക്ക് പെണ്‍കുഞ്ഞ് പിറന്നു
