ഇട്ടിവ ചടയമംഗലം പഞ്ചായത്തുകളുടെ അതിർത്തിയിൽ സ്ഥിതി ചെയ്യുന്ന കൊച്ചാലും മൂട് — കുന്നുംപുറം കോളനി റോഡിന്റെ ശോചനീയാവസ്ഥ പരിഹരിക്കണമെന്ന് ആവശ്യപ്പെട്ടു നാട്ടുകാർ റോഡിൽ വാഴ നട്ടു പ്രതിഷേധിച്ചു. കൊച്ചാലും മൂട് കിഴുതോണി അംഗൻവാടി കോളനി റോഡ് വർഷങ്ങളായി സഞ്ചാരയോഗ്യമല്ലാതെ കിടക്കുകയാണ്. നൂറുകണക്കിന് വീടുകളും പട്ടികജാതി കോളനിയും അടക്കമുള്ള കുന്നുംപുറത്തേക്ക് ഉള്ള ഏക മാർഗമാണ് ഈ റോഡ്. പഞ്ചായത്ത് അധികൃതർക്കും മറ്റും നാട്ടുകാർ നിരവധി തവണ പരാതിപ്പെട്ടിട്ടും റോഡിന്റെ ശോചനീയാവസ്ഥ പരിഹരിക്കാത്തതിലാണ് പ്രതിഷേധത്തിലേക്ക് നാട്ടുകാർ നീങ്ങിയത്.