ജീവൻ രക്ഷാ മരുന്നുകളുടെ വില വർദ്ധിപ്പിക്കാനുള്ള കേന്ദ്ര സർക്കാർ നടപടിക്കെതിരെ എഐവൈഎഫ് അഞ്ചലിൽ പ്രകടനവും യോഗവും സംഘടിപ്പിച്ചു. മണ്ഡലം കമ്മിറ്റിയുടെ നേതൃത്വത്തിൽ മാർക്കറ്റ് ജംഗ്ഷനിൽ സംഘടിപ്പിച്ച യോഗം സംസ്ഥാന കമ്മിറ്റിയംഗം ഇ കെ സുധീർ ഉദ്ഘാടനം ചെയ്തു. മണ്ഡലം പ്രസിഡന്റ് അജിമോൻ അദ്ധ്യക്ഷത വഹിച്ചു. സെക്രട്ടറി എം ബി നസീർ സ്വാഗതം പറഞ്ഞു. ജില്ലാ കമ്മിറ്റിയംഗം വി അജിവാസ്, ലിബു അലക്സ്, അനന്ദു ബി ലേയൻ എന്നിവർ സംസാരിച്ചു. പ്രകടനത്തിന് മുഹമ്മദ് നാസിം, ആദർശ് സതീശ്, അഖിൽ മുരളി, വിഷ്ണു അറയ്ക്കൽ, റ്റി തുഷാര, ഹരികൃഷ്ണൻ, ബൈജു, അതുൽ എന്നിവർ നേതൃത്വം നൽകി.
മരുന്നുകളുടെ വില വര്‍ദ്ധിപ്പിക്കാനുള്ള നീക്കത്തിനെതിരെ പ്രതിഷേധം
