പുസ്തക ദിനത്തിൽ വേറിട്ടൊരു പുസ്തക പ്രകാശനം

ലോക പുസ്തക ദിനത്തിൽ വേറിട്ടൊരു പുസ്തക പ്രകാശനം. മുത്തച്ഛന്റെ മലയാളത്തിലുള്ള പുസ്തകവും അതിന് ചെറുമകന്റെ ഇംഗ്ലീഷ് പരിഭാഷയുമാണ് ഒരു വേദിയിൽ പ്രകാശനം ചെയ്തത്. പുസ്തക രചയിതാവും ഐഎസ്ആർഒ റിട്ട. സീനിയർ അഡ്മിനിസ്ട്രേറ്റീവ് ഓഫീസറുമായ ചെങ്കുളം കൂടാരപ്പള്ളിൽ കെ എം ജോർജിന്റെ ‘ക്രിക്കറ്റ് മാനിയ’ എന്ന മലയാളത്തിലുള്ള പുസ്തകം ഇംഗ്ലീഷിലേക്ക് വിവർത്തനം ചെയ്തത് ചെറുമകൻ ജോർജ് മാത്യൂസ് കൂടാരപ്പള്ളിലാണ്.
ഓടനാവട്ടം കോസ്മിക് കോൺഫറൻസ് ഹാളിൽ നടന്ന ചടങ്ങിൽ വൈഎംസിഎ മുൻ ദേശീയ നിർവാഹക സമിതി അംഗം കെ ഒ രാജുക്കുട്ടി പുസ്തകങ്ങൾ പ്രകാശനം ചെയ്തു. വെളിയം ടിവിടിഎം ഹൈസ്കൂൾ മുന്‍ പ്രഥമാധ്യാപകൻ അനൽ പി വർഗീസ് അധ്യക്ഷത വഹിച്ചു. സംഗീത സംവിധായകൻ രാജൻ കോസ്മിക് ഉദ്ഘാടനം ചെയ്തു.