രാജസ്ഥാനിലെ കോട്ടയില്‍ വീണ്ടും ആത്മഹത്യ. ജെഇഇ എൻട്രൻസ് പരീക്ഷയ്ക്ക് തയ്യാറെടുക്കുന്ന ബിഹാർ സ്വദേശി സന്ദീപ് കുമാറാണ് ജീവനൊടുക്കിയത്. ഹോസ്റ്റല്‍ മുറിയിലെ ഫാനില്‍ തൂങ്ങിമരിച്ചനിലയിലാണ് മൃതദേഹം കണ്ടെത്തിയത്. ഈ വര്‍ഷം കോട്ടയില്‍ ആത്മഹത്യ ചെയ്യുന്ന 13ാമത്തെ ഉദ്യോഗാര്‍ത്ഥിയാണ് സന്ദീപ്. കഴിഞ്ഞ മാസം മൂന്ന് ഉദ്യോഗാര്‍ത്ഥികള്‍ കോട്ടയില്‍ ആത്മഹത്യ ചെയ്തിരുന്നു. കഴിഞ്ഞ വര്‍ഷം വിവിധ മത്സരപരീക്ഷകള്‍ക്ക് തയ്യാറെടുത്തിരുന്ന 27 പേരാണ് ഇവിടെ ആത്മഹത്യ ചെയ്തത്. മത്സരപ്പരീക്ഷ പരിശീലന കേന്ദ്രമായ കോട്ടയില്‍ പ്രതിവര്‍ഷം 10,000 കോടിയുടെ ബിസിനസ് ഇടപാടുകള്‍ നടക്കുന്നുണ്ടെന്നാണ് കണക്കാക്കുന്നത്.
English Summary:Another suicide in Kota
You may also like this video
