വിവാദങ്ങള് കത്തി നില്ക്കെ ഷാരൂഖ് ഖാന് ദീപികാ പദുക്കോണ് ചിത്രം പഠാനിലെ രംഗങ്ങള്ക്ക് മാറ്റം വരുത്താൻ നിര്ദേശം നല്കി സെന്സര് ബോര്ഡ്. ചിത്രത്തിലെ ചില ഭാഗങ്ങളിലും ഗാനങ്ങളില് അടക്കം മാറ്റം വരുത്തി ചിത്രം വീണ്ടും സര്ട്ടിഫിക്കേഷന് സമര്പ്പിക്കാന് സിബിഎഫ്സി ചെയര്പേഴ്സണ് പ്രസൂണ് ജോഷി നിര്ദേശിച്ചുവെന്നാണ് എഎന്ഐയുടെ റിപ്പോര്ട്ട് പറയുന്നത്. ജനുവരി 25ന് ചിത്രം റിലീസ് ചെയ്യാനിരിക്കെയാണ് നിര്ദ്ദേശം.
സിനിമ അടുത്തിടെ സർട്ടിഫിക്കേഷനായി സിബിഎഫ്സി കമ്മിറ്റിക്ക് മുന്നില് എത്തിയത്. ബോർഡിന്റെ മാർഗ്ഗനിർദ്ദേശങ്ങൾ അനുസരിച്ച് കൃത്യമായതും സമഗ്രവുമായ പരിശോധനയ്ക്ക് ശേഷമാണ് മാറ്റങ്ങള് നിര്ദേശിച്ചത് എന്നാണ് റിപ്പോര്ട്ടുകള് പറയുന്നത്.
നാല് വര്ഷം നീണ്ട ഇടവേളയ്ക്കു ശേഷം എത്തുന്ന ഷാരൂഖ് ഖാന് ചിത്രത്തിലെ ബെഷ്റം രംഗ് എന്ന ആദ്യഗാനം റിലീസ് ചെയ്തതോടെ വിവാദങ്ങൾ പൊട്ടിപ്പുറപ്പെടുക ആയിരുന്നു. ഗാനരംഗത്ത് ദീപിക കാവി നിറത്തിലുള്ള ബിക്കിനി ധരിച്ചിരുന്നു. ഇതാണ് വിമര്ശനത്തിന് കാരണമായത്. പിന്നാലെ ചിത്രം പ്രദർശിപ്പിക്കരുതെന്നും ബഹിഷ്കരിക്കണമെന്നുമുള്ള ആഹ്വാനങ്ങൾ ഉയർന്നു. എന്നാല് പഠാന്റെ ഒടിടി അവകാശങ്ങൾ ഇതിനകം തന്നെ കോടികൾക്ക് വിറ്റുപോയതായാണ് പുതിയ റിപ്പോര്ട്ട്.
English Summary: Censor Board Advises Changes In ‘Pathaan’ movie
You may also like this video