ടൈഗർ ഷ്രോഫ് നായകനായ പുതിയ ബോളിവുഡ് ചിത്രം ‘ബാഗി 4’ ന് സെൻസർ ബോർഡ് 23 വിഷ്വൽ കട്ടുകൾ നിർദേശിച്ചു. സംവിധായകൻ എ ഹർഷയുടെ ബോളിവുഡ് അരങ്ങേറ്റ ചിത്രമാണിത്. രക്തച്ചൊരിച്ചിലും അക്രമരംഗങ്ങളും കൂടുതലായുള്ള ഭാഗങ്ങൾ ഒഴിവാക്കിയ ശേഷം ചിത്രത്തിന് സെൻസർ ബോർഡ് ‘എ’ സർട്ടിഫിക്കറ്റാണ് നൽകിയത്. ചിത്രത്തിന് വിഷ്വൽ കട്ടുകൾക്ക് പുറമെ ഓഡിയോ മാറ്റങ്ങളും വരുത്തിയിട്ടുണ്ട്. ട്രെയ്ലറിൽ കണ്ടതുപോലെ തന്നെ, അക്രമം നിറഞ്ഞ ദൃശ്യങ്ങൾക്കാണ് സെൻസർ ബോർഡ് മാറ്റങ്ങൾ വരുത്താൻ ആവശ്യപ്പെട്ടത്. സെപ്റ്റംബർ 5നാണ് ചിത്രത്തിൻറെ ആഗോളതലത്തിലുള്ള റിലീസ്.
‘ബാഗി 4’ന് കത്രിക വെച്ച് സെൻസർ ബോർഡ്; 23 വെട്ടുകൾക്ക് ശേഷം ‘എ’ സർട്ടിഫിക്കറ്റ്
