ബിഗ് ബോസ് താരവും തീയറ്റർ ആർട്ടിസ്റ്റുമായ ഹിമ ശങ്കരി,തമിഴ് നടൻ ലോകേഷ് എന്നിവരെ പ്രധാന കഥാപാത്രങ്ങളാക്കി നവാഗതരായ അജേഷ് സുധാകരൻ,മഹേഷ് മനോഹരൻ എന്നിവർ ചേർന്ന് സംവിധാനം ചെയ്യുന്ന “ചാപ്പകുത്ത് ” ഏപ്രിൽ അഞ്ചിന് പ്രദർശനത്തിനെത്തുന്നു. സൂഫി പറഞ്ഞ കഥ, യുഗപുരുഷൻ,അപൂർവ രാഗം, ഇയ്യോബിന്റെ പുസ്തകം എന്നീ സിനിമകളിലൂടെ ശ്രദ്ധേയയായ ഹിമശങ്കരിയുടെ ഏറ്റവും മികച്ച കഥാപാത്രമാണ് ഈ ചിത്രത്തിലേത്.
ടോം സ്ക്കോട്ട് മറ്റൊരു പ്രധാന വേഷത്തിലെത്തുന്നു. ജെ.എസ് എന്റർടെയിൻമെന്റ്സിന്റെ ബാനറിൽ ജോളി ഷിബു നിർമ്മിച്ച “ചാപ്പകുത്ത് ” ഇതിനകം നാല്പതോളം ദേശീയ- അന്തർ പുരസ്കാരങ്ങൾ കരസ്ഥമാക്കി. ഷിബു കല്ലാർ,നന്ദു ശശിധരൻ എന്നിവരുടെ വരികൾക്ക് ഷിബു കല്ലാർ സംഗീതം പകരുന്നു. ഉണ്ണി മേനോൻ,മധു ബാലകൃഷ്ണൻ,കെ.എസ് ചിത്ര,ശരത് സന്തോഷ് എന്നിവരാണ് ഗായകർ.ഛായാഗ്രഹണം: വിനോദ് കെ. ശരവൺ, പാണ്ഡ്യൻ കുപ്പൻ. കോ പ്രൊഡ്യൂസർ: ഗായത്രി.എസ്, ആവണി.എസ് യാദവ്. എഡിറ്റിങ് ‑വി.എസ് വിശാൽ,സുനിൽ എം. കെ. പി.ആർ.ഒ: എ.എസ് ദിനേശ്.
English Summary: “Chappakut” which won about 40 national and international awards on April 5
You may also like this video
