പൂയപ്പള്ളി കൃഷിഭവൻ പരിധിയിൽ കൊട്ടറ കുഴിയ്ക്കാട്ട് നെൽപ്പാടങ്ങളിൽക്കുള്ള വഴി സ്വകാര്യവ്യക്തി ഹിറ്റാച്ചി ഉപയോഗിച്ച് പണ കോരി അടച്ചതായി പരാതി. ഇത് മൂലം മറ്റ് നിലങ്ങളിലേക്ക് നീരൊഴുക്ക് തടസ്സപ്പെട്ട അവസ്ഥയാണുള്ളത്. തെങ്ങിൻ കൃഷിയുടെ പേരിൽ ഉയരത്തിൽ കൃഷി പണ കോരി തുടങ്ങിയത് മൂലം കൂട്ടായി കൃഷി ചെയ്തിരിക്കുന്ന മറ്റു കർഷകരും ദൂരത്തിലായി. ജലത്തിന്റെ ഒഴുക്ക് നിലച്ചതിനൊപ്പം മറ്റ് കൃഷിയിടങ്ങളിലേക്ക് നിലം ഒരുക്കുന്നതിനായി ട്രാക്ടർ വയലിലേക്ക് ഇറക്കാൻ കഴിയാത്ത സാഹചര്യമാണ് ഉള്ളത്. വർഷങ്ങളായി ഈ ഏലയിൽ മുഴുവൻ നെൽകൃഷിയാണ് ചെയ്തുവരുന്നത്. അവധി ദിവസങ്ങളുടെ മറവിലാണ് ഇത്തരം പ്രവർത്തനങ്ങൾ നടന്നുവരുന്നത്. ഈ പ്രദേശത്ത് നെൽകൃഷി ചെയ്യുന്ന അപൂർവ കൃഷി മേഖലകളിൽ ഒന്നാണിത്. ജനപ്രതിനിധികൾ അടക്കം ഈ വിഷയത്തിൽ അടിയന്തരമായി ഇടപെടണമെന്നാണ് കർഷകരുടെ ആവശ്യം.