അപകട നിവാരണ പ്രവർത്തനങ്ങളിൽ ജീവനക്കാരെ സജ്ജരാക്കുന്നതിന്റെ ഭാഗമായി കെഎംഎംഎൽ‑ൽ മോക്ഡ്രിൽ നടന്നു. കമ്പനിയുടെ ടൈറ്റാനിയം പിഗ്മന്റ് യൂണിറ്റിലാണ് മോക്ഡ്രില്‍ നടത്തിയത്. ഫയർ ആന്റ് റസ്ക്യൂ, ഫാക്ടറീസ് ആന്റ് ബോയിലേഴ്സ് വകുപ്പുകളിൽ നിന്ന് എത്തിയ ഉദ്യോഗസ്ഥരുടെ മേൽനോട്ടത്തിലാണ് മോക്ഡ്രിൽ നടത്തിയത്. ഫാക്ടറീസ് ആന്റ് ബോയിലേഴ്സ് സീനിയർ ജോയിന്റ് ഡയറക്ടർ എസ് മണി, മെഡിക്കൽ ജോയിന്റ് ഡയറക്ടർ ഡോക്ടർ റൂബിൻ സിറിൽ, ഫാക്ടറീസ് ആന്റ് ബോയിലേഴ്സ് ഇൻസ്പെക്ടർ വിപിൻ, കെമിക്കൽ ഇൻസ്പെക്ടർ സിയാദ്, ജില്ലാ ദുരന്തനിവാരണ അതോറിറ്റി ഹസാർഡ് അനലിസ്റ്റ് ഡോ. ശ്രീജ, ചവറ ഫയർ സ്റ്റേഷൻ ഓഫീസർ സക്കരിയ അഹമ്മദ്കുട്ടി, ഫയർ ഓഫീസർ സജികുമാർ, കെഎംഎംഎൽ ഉദ്യോഗസ്ഥർ തുടങ്ങിയവർ പങ്കെടുത്തു.