കഴിഞ്ഞ സെപ്റ്റംബര്‍ 8നായിരുന്നു താരദമ്പതികളായ രണ്‍വീര്‍ സിംഗിനും ദീപിക പദുക്കോണിനും കുഞ്ഞ് പിറന്നത്. അന്നുമുതല്‍ കുഞ്ഞിനെ ഒരുനോക്ക് കാണാനായി ആകാംക്ഷാഭരിതരായി കാത്തിരിക്കുകയായിരുന്നു ആരാധകര്‍. ഇപ്പോഴിതാ ഇന്‍സ്റ്റഗ്രാമിലൂടെ തങ്ങളുടെ പൊന്നോമനയുടെ പേരും ദീപികയുടെ മടിയില്‍ കിടക്കുന്ന കുഞ്ഞിന്റെ കാല്‍പാദങ്ങളും പങ്ക് വച്ചിരിക്കുകയാണ് താരങ്ങള്‍.
ദുവ പദുക്കോണ്‍ സിംഗ് എന്നാണ് കുഞ്ഞിന് താരങ്ങള്‍ പേരിട്ടിരിക്കുന്നത്. ദുവ എന്നാല്‍ പ്രാര്‍ത്ഥന എന്നാണ് അര്‍ത്ഥമെന്നും തങ്ങളുടെ പ്രാര്‍ത്ഥനയുടെ ഉത്തരമാണ് അവളെന്നും താരദമ്പതികള്‍ ഇന്‍സ്റ്റഗ്രാമിലൂടെ കുറിച്ചു.