ഡൽഹി ആസിഡ് ആക്രമണം: പ്രതികളെ ഇതുവരെ കണ്ടെത്താനായില്ല

ഡൽഹി ആസിഡ് ആക്രമണ കേസിലെ പ്രതികളെ ഇതുവരെ പിടികൂടാൻ പൊലീസിനായില്ല. ഡൽഹി യൂണീവേഴ്സിറ്റി വിദ്യാർത്ഥിനിക്ക് നേരെയാണ് കഴി‍ഞ്ഞ ദിവസം ആക്രമണമുണ്ടായത്. എന്നാൽ ഇതുവരെയായിട്ടും പ്രതികളെ പിടികൂടിയിട്ടില്ല.
അക്രമശേഷം രക്ഷപ്പെട്ട പ്രതികളായ ജിതേന്ദർ, അർമാൻ, ഇഷാൻ എന്നിവർ ഒളിവിലാണ്. ഇവരെ കണ്ടെത്താൻ സിസിടിവി ദൃശ്യം പരിശോധിച്ച് പൊലീസ് അന്വേഷണം ഊർജിതമാക്കി. ജിതേന്ദർ ഒന്നര വർഷമായി പെൺകുട്ടിയെ ശല്യം ചെയ്യുന്നുവെന്നും വിവരമുണ്ട്. ഇക്കാര്യം ജിതേന്ദറിന്റെ ഭാര്യയോട് പെൺകുട്ടി പറഞ്ഞിരുന്നു. എന്നിട്ടും ശല്യം ചെയ്യൽ തുടർന്നു.
കഴി‍ഞ്ഞ മാസം ഇത് സംബന്ധിച്ച് ഇവർ തമ്മിൽ വാക്കുതർക്കം ഉണ്ടായി. ഇതിന്റെ ഭാ​ഗമായാണ് ആക്രമണമെന്ന് പൊലീസ് പറയുന്നു. ജിതേന്ദറിന്റെ നേതൃത്വത്തിലായിരുന്നു ആക്രമണം. അതേസമയം ഇവരുപയോ​ഗിച്ച ബെെക്കും പൊലീസിന് ഇതുവരെ കണ്ടെത്താൻ സാധിച്ചിട്ടില്ല. തനിക്ക് നീതി കിട്ടണമെന്ന് പെൺകുട്ടി ആവശ്യപ്പെട്ടു. പെൺ കുട്ടിയുടെ കെെയക്കാണ് പൊള്ളലേറ്റിരിക്കുന്നത്.