ദേശീയ ഗെയിംസില് കേരളത്തിന് ആദ്യ വെള്ളി. ബീച്ച് ഹാന്ഡ്ബോള് വനിതാ വിഭാഗത്തിലാണ് കേരളം വെള്ളി സ്വന്തമാക്കിയ്. ഫൈനലില് കേരളം ഹരിയാനയോട് പരാജയപ്പെട്ടതോടെയാണ് വെള്ളിയിലൊതുങ്ങിയത്. 5x5 വനിതാ ബാസ്കറ്റ്ബോളില് കേരളം സെമിഫൈനലില് കടന്നു. പഞ്ചാബിനെ 76–44 എന്ന സ്കോറിനാണ് കേരളം പരാജയപ്പെടുത്തിയത്. പുരുഷ വിഭാഗം ഖോ ഖോയില് കേരളം വെങ്കലം സ്വന്തമാക്കി.
വനിതാ വോളിബോളില് കേരളം ഗ്രൂപ്പ് ചാമ്പ്യന്മാരായി സെമിഫൈനലില്.
പുരുഷ വിഭാഗം വോളിബോളില് കര്ണാടകയ്ക്കെതിരെ കേരളം ജയം നേടി. സ്കോര്52–21, 25–18, 25–18. രണ്ട് സ്വര്ണവും ഒരു വെള്ളിയും മൂന്ന് വെങ്കലവുമാണ് കേരളം ഇതുവരെ നേടിയത്. 45 കിലോഗ്രാം ഭാരോദ്വഹനത്തില് സുഫ്ന ജാസ്മിനും നീന്തലില് 200 മീറ്റര് ബ്രസ്റ്റ് സ്ട്രോക്കില് ഹര്ഷിത ജയറാമുമാണ് സ്വര്ണമണിഞ്ഞത്. നീന്തലില് 200 മീറ്റര് ഫ്രീസ്റ്റൈല്, 100 മീറ്റര് ബട്ടര്ഫ്ലൈ എന്നിവയില് സജന് ഇരട്ടവെങ്കലം നേടിയിരുന്നു.