തുറന്ന് പ്രവർത്തിക്കുന്ന എല്ലാ അംഗീകൃത റേഷൻ വിതരണക്കാരനും 30000 രൂപ മിനിമം വേതനം നൽകണമെന്നും സെയിൽസ്മാന് സർക്കാർ വേതനം നൽകണമെന്നും കേരള റേഷൻ എംപ്ലോയീസ് ഫെഡറേഷൻ (എഐടിയുസി) പത്തനാപുരം താലൂക്ക് കൺവെൻഷൻ ആവശ്യപ്പെട്ടു. കൺവെൻഷൻ ഫെഡറേഷൻ ജില്ലാ പ്രസിഡന്റ് അഡ്വ. ആർ സജിലാൽ ഉദ്ഘാടനം ചെയ്തു. യോഗത്തിൽ എം ആർ ഷാജി അദ്ധ്യക്ഷത വഹിച്ചു. ഫെഡറേഷൻ സംസ്ഥാന ജനറൽ സെക്രട്ടറി പി ജി പ്രിയൻ കുമാർ, ജില്ലാ സെക്രട്ടറി ടി സജീവ്, കെ വാസുദേവൻ എന്നിവർ സംസാരിച്ചു. ഭാരവാഹികള്‍: കെ വാസുദേവൻ (പ്രസിഡന്റ്), എം ആർ ഷാജി (വർക്കിങ് പ്രസിഡന്റ്), ആർ വി രാഗേഷ്, എസ് ശ്രീലേഖ (വൈസ് പ്രസിഡന്റുമാർ), സി കെ സുരേഷ് (സെക്രട്ടറി), ഷിജു ജോൺ, ആർ ഹരികുമാർ (ജോയിന്റ് സെക്രട്ടറിമാർ), നെജീബ് ഖാൻ(ട്രഷറർ).