ആതിഥേയരായ ന്യൂസിലന്‍ഡ് 62 റണ്‍സിന് ഇന്ത്യയെ തോല്‍പ്പിച്ചു. ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ന്യൂസീലന്‍ഡ് ഉയര്‍ത്തിയ 261 റണ്‍സ് വിജയലക്ഷ്യം പിന്തുടര്‍ന്ന ഇന്ത്യന്‍ സംഘം 46.4 ഓവറില്‍ 198 റണ്‍സിന് ഓള്‍ഔട്ടായി. 71 റണ്‍സെടുത്ത വൈസ് ക്യാപ്ടന്‍ ഹര്‍മന്‍പ്രീത് കൌറാണ് ടോപ് സ്‌കോറര്‍. അര്‍ധ സെഞ്ചുറി നേടിയ ആമി സാറ്റേര്‍ത്ത്വെയ്റ്റും അമേലിയ കെറുമാണ് കിവീസ് ടീമിനായി തിളങ്ങിയത്.
84 പന്തില്‍ നിന്ന് ഒമ്പത് ഫോറടക്കം 75 റണ്‍സെടുത്ത സാറ്റേര്‍ത്ത്വെയ്റ്റാണ് അവരുടെ ടോപ് സ്‌കോറര്‍. അമേലിയ 64 പന്തില്‍ നിന്ന് അഞ്ച് ഫോറടക്കം 50 റണ്‍സെടുത്തു. ഇരുവരും ചേര്‍ന്ന് കിവീസിനായി മൂന്നാം വിക്കറ്റില്‍ 67 റണ്‍സ് കൂട്ടിച്ചേര്‍ത്തു. 3 മത്സരങ്ങളില്‍ കീവീസിന്റെ രണ്ടാം ജയമാണിത്. ശനിയാഴ്ച വിന്‍ഡീസിനെതിരെയാണ് ഇന്ത്യയുടെ അടുത്ത മത്സരം.
English summary; India lose second match of Women’s World Cup
You may also like this video;
