വയനാട്ടിൽ ഹൈബ്രിഡ് കഞ്ചാവുമായി യുവതിയും യുവാവും പിടിയില്. കണ്ണൂർ അഞ്ചാംപീടിക സ്വദേശിയായ കീരിരകത്ത് വീട്ടില് കെ ഫസല്, തളിപറമ്പ് സ്വദേശിനിയായ കെ ഷിന്സിത എന്നിവരെയാണ് പിടികൂടിയത്. ഇവരില് നിന്ന് 20.80 ഗ്രാം ഹൈബ്രിഡ് കഞ്ചാവാണ് പിടിച്ചെടുത്തത്. ഇരുവരും സഞ്ചരിച്ചിരുന്ന ബിഎംഡബ്ല്യു കാറും 96,290 രൂപയും മൊബൈൽ ഫോണുകളും കസ്റ്റഡിയിലെടുത്തിട്ടുണ്ട്. കാറിന്റെ ഡിക്കിയില് രണ്ടു കവറുകളിലായാണ് കഞ്ചാവ് സൂക്ഷിച്ചിരുന്നത്. ഉപയോഗത്തിനും വില്പനയ്ക്കുമായി ബെംഗളൂരുവിൽ നിന്നാണ് കഞ്ചാവ് വാങ്ങിയതെന്ന് ഇവര് പൊലീസിനോട് പറഞ്ഞു.
ബിഎംഡബ്ല്യു കാറില് പരിശോധന; പിടിച്ചെടുത്തത് 20.80 ഗ്രാം ഹൈബ്രിഡ് കഞ്ചാവ്
