ഐപിഎല്‍ പതിനഞ്ചാം സീസണിലെ ആദ്യ അര്‍ധസെഞ്ച്വറി അടിച്ച് വിരാട് കോലി. ഗുജറാത്ത് ടൈറ്റന്‍സിന് എതിരെ ടോസ് നേടി ബാറ്റിങിനിറങ്ങിയ ബാംഗ്ലൂരിന് മികച്ച തുടക്കമാണ് കോലി നല്‍കിയത്. മുഹമ്മദ് ഷമിയെ തുടരെ രണ്ട് ബൗണ്ടറി അടിച്ചാണ് കോലി ബാറ്റിങ് തുടങ്ങിയത്.
ഡുപ്ലസിസ് മടങ്ങിയിട്ടും രജത്തിനൊപ്പം നിന്ന് കോലി റണ്‍സ് കണ്ടെത്തി. 45 പന്തില്‍ നിന്നാണ് കോലി അര്‍ധസെഞ്ച്വറി നേടിയത്. ഐപിഎല്ലിലെ കോലിയുടെ 43ാമത്തെ അര്‍ധ സെഞ്ച്വറിയാണ് ഇത്. കോലിക്ക് പിന്നാലെ രജത്തും അര്‍ധസെഞ്ച്വറി നേടി. 29 പന്തില്‍ നിന്നാണ് രജത് അര്‍ധ ശതകം പിന്നിട്ടത്.
English Summary:IPL; Virat Kohli hits first half century
You may also like this video
