നടന്‍ മോഹന്‍ലാലിനൊപ്പം പ്രിയദര്‍ശനോട് അവസരം ചോദിക്കുമെന്ന് ബോളിവുഡ് താരം അക്ഷയ് കുമാര്‍. രക്ഷാബന്ധന്‍ എന്ന അക്ഷയ് കുമാറിന്റെ പുതിയ സിനിമയുടെ പ്രമോഷന്‍ പരിപാടിക്കിടെ മലയാളി ആരാധകന്റെചോദ്യത്തിന് മറുപടി പറയുകയായിരുന്നു അദ്ദേഹം. ഒരുപാട് മലയാളസിനിമകള്‍ ഹിന്ദിയില്‍ റീമേക്ക് ചെയ്ത് സൂപ്പര്‍ഹിറ്റ് ആക്കിയിട്ടുള്ള താങ്കള്‍ എന്നാണ് മലയാളത്തില്‍ അഭിനയിക്കുക എന്നായിരുന്നു ആരാധകന്റെ ചോദ്യം. തനിക്ക് മലയാളസിനിമയില്‍ അഭിനയിക്കാന്‍ സന്തോഷമേ ഉള്ളൂവെന്നും അക്ഷയ് കുമാര്‍ അറിയിച്ചു. പക്ഷേ, മലയാളം സംസാരിക്കാന്‍ തനിക്ക് അറിയാത്തതാണ് ഒരു പ്രശ്‌നമെന്നും അക്ഷയ് കുമാര്‍ പറഞ്ഞു.
മലയാള സിനിമയില്‍ അഭിനയിക്കാന്‍ സന്തോഷമേ ഉള്ളൂ. പക്ഷേ, പ്രശ്‌നം എന്താണെന്നു വെച്ചാല്‍ മലയാളം സംസാരിക്കാന്‍ എനിക്ക് അറിയില്ല. മറ്റൊരാള്‍ എനിക്ക് വേണ്ടി ഡബ്ബ് ചെയ്യുന്നതില്‍ താല്‍പര്യമില്ല. സ്വന്തം ശബ്ദത്തില്‍ സംസാരിക്കുന്നതാണ് ഇഷ്ടം. തമിഴില്‍ രജനികാന്തിന് ഒപ്പം അഭിനയിച്ചു. കന്നഡയിലും അഭിനയിച്ചു. ഇനി മലയാളത്തില്‍ മോഹന്‍ലാലിന് ഒപ്പം അഭിനയിക്കണം. മോഹന്‍ലാലിന് ഒപ്പം അഭിനയിച്ചാല്‍ അതൊരു ബഹുമതിയായി തന്നെ കരുതുമെന്നും അക്ഷയ് കുമാര്‍ പറഞ്ഞു.
English summary; It is an honor to act with Mohanlal; Akshay Kumar will ask Priyadarshan for a chance
You may also like this video;
